1 Myghternedh 22:34 - An Bibel Kernewek 20234 (Kernewek Kemmyn)

³⁴ Mes neb gour a dennas y warak ha heb y wodhvos ev a weskis myghtern Ysrael yntra platyow y arvwisk ha'n lurik. Ev a leveris dh'y jaretter, ‘Treyl a-dro ha'm doen yn-mes a'n vatel, rag goliys ov.’

1 Myghternedh 22:34 ပူးပေါင်းရင်းမြစ်များ

2 Samuel 15:11

Gans Absalom yth eth dewkans gour a Yerusalem. I re bia gelwys, hag i eth yn aga sempledh, ha ny wodhyens travyth.

1 Myghternedh 22:17

Ena Mikaya a leveris, ‘My a welas Ysrael oll keskerys war an menydhyow, avel deves na's teves bugel; ha'n Arloedh a leveris, “An re ma ny's teves mester; gas peub dhe vos tre yn kres.” ’

1 Myghternedh 22:33

Pan welas kaptenyon an charettow nag o myghtern Ysrael, i a dreylyas a'y jasya.

1 Myghternedh 22:35

An vatel a ynkressyas an jydh na, ha'n myghtern a veu kelmys serth yn y jarett a-dal Aram bys y'n gorthugher pan verwis; goes an goli a resas yn goeles an charett.

2 Myghternedh 9:24

Yehu a dennas y warak gans oll y nerth ha gweskel Yoram ynter y dhiwskoedh ha'n seth a wanas y golonn hag ev a sedhis yn y jarett.

2 Kroniklys 18:30

Lemmyn myghtern Aram re worhemmynnsa dhe gaslewydhyon y jarettow, ‘Na omledhewgh orth byghan na bras, saw unnsel gans myghtern Ysrael.’

2 Kroniklys 35:23

An sethoryon a dewlis sethow orth an myghtern Yosia; ha'n myghtern a leveris dh'y wesyon, ‘Kemmerewgh vy dhe-ves, rag fest goliys ov.’

Kynvannow 3:37

Piw a yll gorhemmynn hag y fydh gwrys, mar ny'n ordenas an Arloedh?

Mika 6:13

Rakhenna re dhallethis dha weskel, orth dha wul ynyal drefenn dha beghosow.

Diskwedhyans 9:9

Ha lurigow esa dhedha kepar ha lurigow a horn, ha son aga eskelli o kepar ha son lies charett gans mergh ow resek dhe gas.

1 Samuel 17:49

Ha Davydh a worras y leuv yn y sagh, ha kemmeres men yn-mes, ha'y worra yn y dowlbrenn ha'y dewlel ha gweskel an Filistyas war y dal; an men a dhewanas y dal, hag ev a goedhas ha'y fas dhe'n leur.