1 Myghternedh 22:30 - An Bibel Kernewek 20234 (Kernewek Kemmyn)

³⁰ Myghtern Ysrael a leveris dhe Yehoshafat, ‘My a doellwisk ow honan ha mos y'n vatel, mes ty gwisk dha woenyow.’ Ytho myghtern Ysrael a doellwiskas ha mos y'n vatel.

1 Myghternedh 22:30 ပူးပေါင်းရင်းမြစ်များ

2 Samuel 14:2

Ytho Yoab a dhannvonas dhe Tekoa ha kyrghes alena benyn fur, ha leverel dhedhi, ‘My a'th pys, omwra kynores, ha gwisk yn dillas kynvann, ha na wra untya dha honan gans oyl, ha bydh avel benyn re beu ow kyni lies dydh rag den marow:

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

1 Myghternedh 20:38

Ena an profoes a dhibarthas, ha gortos an myghtern war an fordh, ow tivelebi y semlans gans lystenn war y lagas.

1 Myghternedh 22:10

Yth esa myghtern Ysrael ha Yehoshafat myghtern Yuda a'ga esedh war aga thronys, gwiskys yn aga goenyow war leur-drushya ryb entrans porth Samaria; hag yth esa oll an brofoesi ow targana a-ragdha.

2 Kroniklys 18:29

Myghtern Ysrael a leveris dhe Yehoshafat, ‘My a doellwisk ow honan ha mos dhe'n vatel, mes ty, omwisk y'th woenyow.’ Yndella myghtern Ysrael a doellwiskas y honan, hag yth ethons i dhe'n vatel.

2 Kroniklys 35:22

Mes ny vynna Yosia treylya dhiworto, mes ev a doellwiskas y honan rag mayth omlattho er y bynn. Ny woslowas orth geryow Neko a anow Duw, mes ev a dheuth dhe vatalyas yn plen Megiddo.

Salmow 12:2

I a lever euveredh, pub den gans y hynsa; gans gweus fekyl ha kolonn dhewblek y kowsons.

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

1 Samuel 28:8

Ytho Sowl a dhivelebis y semlans hag omwiska yn dillas arall ha mos di, ev ha dew wour ganso. I a dheuth dhe'n venyn y'n nos. Hag yn-medh ev, ‘Gwra dewinieth ragov dre nygromons, ha dri yn-bann ragov ev neb a hanwav dhis.’