1 Myghternedh 22:23 - An Bibel Kernewek 20234 (Kernewek Kemmyn)

²³ Ytho dell welydh, an Arloedh re worras spyrys gowek yn ganow oll a'n re ma dha brofoesi; an Arloedh re gewsis drog yn dha gever.’

1 Myghternedh 22:23 ပူးပေါင်းရင်းမြစ်များ

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

1 Myghternedh 21:19

Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

1 Myghternedh 22:24

Ena Sedekia mab Kenaana a dheuth nes dhe Mikaya ha'y stiwenna war an vogh, ha leverel, ‘Fatell dremenas spyrys an Arloedh ahanav dhe gewsel dhis?’

2 Kroniklys 25:16

Mes hag ev ow kewsel an myghtern a leveris dhodho, ‘A'th wrussyn kusulyador ryel? Hedh! Prag y tegoedh ty dhe vos ledhys?’ An profoes a hedhis, mes y leveris, ‘My a woer Duw dhe ervira dha dhistrui, drefenn ty dhe wul hemma ha drefenn na woslewsys orth ow husul.’

Eksodus 10:20

Mes an Arloedh a galeshas kolonn Faro, ha ny asas fleghes Ysrael dhe vones.

Eksodus 4:21

Ha'n Arloedh a leveris dhe Moyses, ‘Pan dhehwelydh dhe Ejyp, gwayt gul a-rag Faro an marthusyon oll hag a res vy yn dha dhorn, mes my a wra kaleshe y golonn ma na asso an bobel dhe vones.

Ysay 3:11

Go-ev an tebelwas, drog a'n jevydh; drefenn war-lergh ober y dhiwleuv y fydh gwrys dhodho ev.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Niverow 24:13

“Mar rolla Balak dhymm y ji leun a arghans hag owr, ny allsen mos dres ger an Arloedh, dhe wul da po drog a'm bodh vy; an pyth a gews an Arloedh, henna my a gews?”

Dewteronomi 2:30

Mes ny vynnas Sihon myghtern Heshbon agan gasa dhe dreusi, drefenn an Arloedh dha Dhuw dhe avleythi y spyrys ha kaleshe y golonn, rag ma'n rolla y'th leuv, avel an jydh ma.

Breusysi 9:23

Mes Duw a dhannvonas tebel spyrys ynter Abimelek hag arlydhi Shekem; hag arlydhi Shekem a dhyghtyas yn fals gans Abimelek.