1 Myghternedh 22:22 - An Bibel Kernewek 20234 (Kernewek Kemmyn)

²² “Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

1 Myghternedh 22:22 ပူးပေါင်းရင်းမြစ်များ

1 Myghternedh 13:18

Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

1 Myghternedh 22:20

Ha'n Arloedh a leveris, “Piw a dhyn Ahab, mayth ello ha koedha yn Ramoth-gilead?” Ena an eyl a leveris unn dra, ha'y gila a leveris ken tra,

1 Myghternedh 22:21

bys pan dheuth spyrys yn-rag ha sevel a-rag an Arloedh, ow leverel, “My a'n dyn.”

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

Job 1:12

Yn-medh an Arloedh dhe Satnas, ‘Otta, yma pup-tra oll a'n jeves y'th halloes, saw warnodho y honan na ystynn dha leuv.’ Ytho Satnas eth yn-rag mes a wel a'n Arloedh.

Job 12:16

Ganso yma nerth ha doethter; dhodho yma an den toellys ha'n den a doell.

Salmow 109:17

Ev a garas molleth, ha hi a dheu dhodho; ny vynnas bennath, ha pell yw hi dhiworto.

Ysay 19:14

An Arloedh re gemmyskas a-ji dhedhi spyrys gorth; i a wra dhe Ejyp trebuchya yn oll hy gwriansow, kepar dell drebuch penn-medhow yn y hwyj.

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

1 Yowann 4:6

A Dhuw yth eson: neb a aswonn Duw a'gan klew; neb nag usi a Dhuw, ev ny'gan klew ni. Yndella yth aswonnyn an spyrys a wirder, ha'n spyrys a gammdybyans.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 17:17

Rag Duw re worras yn aga holonn kollenwel bodh y vrys, ha bos unnverhes, ha ri aga gwlaskor dhe'n best erna vo kowlwrys geryow Duw.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 20:3

hag ev a's tewlys y'n pytt diwoeles hag a'n degeas, hag a worras sel warnodho, na doella an kenedhlow namoy bys pan vo an mil vlydhen kowlwrys. A-wosa y koedh dhodho bos delivrys berr dermyn.

Diskwedhyans 20:7

Ha pan vo an mil vlydhen gorfennys, Satnas a vydh delivrys yn-mes a'y brison.

Breusysi 9:23

Mes Duw a dhannvonas tebel spyrys ynter Abimelek hag arlydhi Shekem; hag arlydhi Shekem a dhyghtyas yn fals gans Abimelek.

1 Samuel 16:14

Mes spyrys an Arloedh a dhibarthas a-dhiworth Sowl, ha tebel spyrys a-dhiworth an Arloedh a'n tormentya.

1 Samuel 18:10

An nessa dydh tebel spyrys dhiworth Duw a fyskas war Sowl, hag ev a vuskegis a-ji dh'y ji, ha Davydh ow telynnya kepar dell wre orth prysyow erell. Hag yth esa guw yn dorn Sowl;

1 Samuel 19:9

Ena tebel spyrys dhiworth an Arloedh a dheuth war Sowl, hag ev owth esedha yn y ji gans y wuw yn y dhorn, ha Davydh ow telynnya gans y leuv.