1 Myghternedh 22:15 - An Bibel Kernewek 20234 (Kernewek Kemmyn)

¹⁵ Pan dheuth dhe'n myghtern, an myghtern a leveris dhodho, ‘Mikaya, en ni dhe Ramoth-gilead dhe vatalyas, po a hedhyn?’ Ev a worthybis dhodho, ‘Ke yn-bann ha tryghi; an Arloedh a's re yn leuv an myghtern.’

1 Myghternedh 22:15 ပူးပေါင်းရင်းမြစ်များ

1 Myghternedh 18:27

Dhe hanter-dydh Elias a's skornyas, ow leverel, ‘Kriewgh ughella, rag ev yw duw; poken yma ev owth ombrederi, poken ev re omdennas, poken yma ev ow vyajya. Martesen yma ow koska ha res yw gul dhodho difuna.’

1 Myghternedh 22:12

Yth esa oll an brofoesi ow targana an keth ha leverel, ‘Ke dhe Ramoth-gilead ha tryghi; an Arloedh a's re yn leuv an myghtern.’

1 Myghternedh 22:16

Mes an myghtern a leveris dhodho, ‘Pes termyn yw res dhymm gul dhis ti may leverydh dhymm travyth mes an gwiryonedh yn hanow an Arloedh?’

1 Myghternedh 4:13

Ben-geber yn Ramoth-gilead – dhodho ev yth esa trevow Yair mab Manasse yn Gilead, hag ev a'n jevo ranndir Argob yn Bashan, tri-ugens sita veur gans fosow ha barrys a vrons;

2 Myghternedh 3:13

Elisha a leveris dhe vyghtern Ysrael, ‘Pyth eus yntredhon ni? Ke dhe brofoesi dha das ha dhe brofoesi dha vamm.’ Mes myghtern Ysrael a leveris dhodho, ‘Na, rag y feu an Arloedh neb a elwis an tri myghtern ma dh'aga delivra yn leuv Moab.’

2 Kroniklys 18:14

Pan veu devedhys dhe'n myghtern, an myghtern a leveris dhodho, ‘A Mikaya, en ni dhe Ramoth-gilead rag batalyas, po nyns en?’ Ev a worthybis, ‘Ke yn-bann ha trygh; i a vydh gorrys y'th leuv.’

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Yeremia 37:17

Sedekia an myghtern a dhannvonas war y lergh, ha'y gemmeres yn-mes. Ha'n myghtern a wovynnas orto yn priva yn y ji, ha leverel, ‘Eus ger a-dhiworth an Arloedh?’ Ha Yeremia a leveris, ‘Eus!’ Ena yn-medh ev, ‘Ty a vydh delivrys yn leuv myghtern Babylon.’

Ezekiel 13:6

I re welas fals welesigethow, ha'ga dewinieth yw gow. Yn-medhons, ‘An Arloedh a lever’, kyn na wrug an Arloedh aga dannvon, hag i a wayt aga ger dhe vos kollenwys.

Matthew 26:45

Ena y teuth dhe'n dhyskyblon hag yn-medh ev dhedha, ‘Pesyewgh ow koska lemmyn, ha powesewgh; otta, ogas yw an eur mayth yw daskorrys Mab an den yntra diwla peghadoryon.

Breusysi 10:14

Kewgh ha kriewgh dhe'n duwow re dhewissowgh; gwrens i agas delivra yn termyn agas ahwer.’