1 Myghternedh 21:4 - An Bibel Kernewek 20234 (Kernewek Kemmyn)

⁴ Ahab a dhehwelis dhe dre yn poes ha digolonnek drefenn an pyth a leveris dhodho Naboth an Yezreelyas; rag ev re leveris, ‘Ny rov dhis eretons ow thasow.’ Ev a wrowedhas war y weli, treylya dhe-ves y fas, ha ny vynna dybri.

1 Myghternedh 21:4 ပူးပေါင်းရင်းမြစ်များ

2 Samuel 13:2

Yth esa dhe Amnon torment mar vras may hwrug ev y honan klav rag y hwoer Tamar, rag gwyrghes o hi ha kales o yn golok Amnon gul neppyth dhedhi.

2 Samuel 13:4

Yn-medh ev dhodho, ‘A vab an myghtern, prag yth osta mar dhigolonnek myttin wosa myttin? A ny wre'ta leverel dhymm?’ Hag Amnon a worthybis dhodho, ‘My a gar Tamar, hwoer Absalom ow broder.’

1 Myghternedh 20:43

Myghtern Ysrael eth dhe dre, poes ha digolonnek, ha dos dhe Samaria.

1 Myghternedh 21:1

Wosa hemma y siwyas an hwarvosow ma: Naboth an Yezreelyas a'n jevo gwinlann yn Yezreel, ryb palas myghtern Ahab a Samaria.

1 Myghternedh 21:3

Mes Naboth a leveris dhe Ahab, ‘An Arloedh a'm difennas a ri dhis eretons ow thasow.’

1 Myghternedh 21:5

Y wreg Yezebel a dheuth dhodho ha leverel, ‘Prag yth os mar dhigolonn ma na vynnydh dybri?’

Ester 5:13

Mes oll hemma ny dal travyth dhymm, peskweyth may hwelav Mordekay an Yedhow owth esedha yn yet an myghtern.’

Job 5:2

Yn sur sorr a ladh an foll, hag avi a ladh an sempel.

Ekklesiastes 6:9

Gwell yw bos lowen gans an taklow a yll gweles an dhewlagas, ages an golonn dhe hwansa moy. An hireth ma yw euveredh ha chasya war-lergh an gwyns.

Yona 4:1

Mes pur dhisplesys o Yona, hag ev a sorras yn fras.

Yona 4:4

Mes an Arloedh a leveris, ‘Yw da, ty dhe vos serrys?’

Yona 4:8

Ha pan dhrehevis an howl, Duw a dhannvonas gwyns toemm dhiworth an howldrevel, ha'n howl a weskis war benn Yona, may klamderas. Hag ev a bysis may farwa, ow leverel, ‘Gwell dhymm yw merwel es bewa.’

Yona 4:9

Ha Dhuw a leveris dhe Yona, ‘Yw da, ty dhe vos serrys a-dro dhe'n risinenn?’ Yn-medh ev, ‘Da yw my dhe vos serrys, bys y'n mernans.’

Efesianys 4:27

ha na rewgh tyller dhe'n jowl.

Jamys 1:14

Mes prevys yw pub den yw tennys ha dynys der y dhrokhwansow ev.

1 Samuel 28:23

Mes ev a skonyas, ha leverel, ‘Ny vynnav dybri.’ Mes y wesyon, war-barth gans an venyn, a ynnias warnodho; hag ev a woslowas orth aga lev. Ytho ev a sevis a-dhiwar an dor hag esedha war an gweli.