1 Myghternedh 21:3 - An Bibel Kernewek 20234 (Kernewek Kemmyn)

³ Mes Naboth a leveris dhe Ahab, ‘An Arloedh a'm difennas a ri dhis eretons ow thasow.’

1 Myghternedh 21:3 ပူးပေါင်းရင်းမြစ်များ

Jenesis 44:17

Hag yn-medh ev, ‘Pell bedhes dhiworthiv gul hemma. Neb may feu an hanaf kevys yn y dhorn, ev a vydh ow hethwas. Mes hwi, kewgh yn-bann yn kres dh'agas tas.’

Jenesis 44:7

Yn-medhons dhodho. ‘Prag y kews ow arloedh war-lergh an geryow ma? Pell bedhes dhiworth dha wesyon gul yndella.

1 Kroniklys 11:19

ha leverel, ‘Duw difenn, my dhe wul hemma. A evav goes an wer ma? Rag peryll aga bewnans i a'n dros.’ Rakhenna ny vynnas Davydh y eva. Yndella y hwrug an tri hasor.

Job 27:5

Pell bedhes dhiworthiv leverel agas bos ewn; bys pan dremenniv ny naghav ow glander.

Ezekiel 46:18

Ny wra an pennsevik kemmeres travyth a eretons an bobel, orth aga thewlel mes a'ga ferghennogeth; ev a re eretons dh'y vebyon yn-mes a'y berghennogeth y honan, ma na vo nagonan a'm pobel diberthys dhiworth y berghennogeth.

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

Niverow 36:7

Yndella ny vydh eretons mebyon Ysrael treusworrys a'n eyl loeth dh'y gila; rag pubonan a vebyon Ysrael a wra glena orth eretons loeth y dasow.

Niverow 36:9

Ytho ny vydh eretons vyth treusworrys a'n eyl loeth dh'y gila; rag pubonan a loethow mebyon Ysrael a wra glena orth y eretons y honan.” ’

Romanyon 3:31

A dhomhwelyn an lagha gans fydh? Kammenn vyth! Yn konter, ni a venten an lagha.

Romanyon 3:4

Kammenn vyth! Bedhes Duw gwir kyn fo pub den fals, dell yw skrifys, ‘Rag may fi prevys ewn y'th heryow ha tryghi pan vi breusys.’

Romanyon 3:6

Kammenn vyth! Poken fatell allsa Duw breusi an bys?

Romanyon 6:15

Pandra ytho? A wren ni pegha drefenn nag eson yn-dann lagha mes yn-dann ras? Kammenn vyth!

Romanyon 6:2

Kammenn vyth! Fatell yllyn ni neb a verwis dhe begh bewa hwath ynno?

Romanyon 7:13

Ytho a dheuth an da ha bos mernans dhymm? Bynner re bo! Pegh o hag ynnov owth oberi der an pyth yw da, rag may fe pegh diskwedhys avel pegh, ha der an gorhemmynn may teffa peghus dres eghenn.

Romanyon 7:7

Pandr'a wren y leverel ytho? An lagha dhe vos pegh? Bynner re bo! Mes na ve an lagha, ny wodhvien pegh. Ny wodhvien hwans mar ny lavarra an lagha, ‘Na wra hwansa.’

1 Korinthianys 6:15

A ny wodhowgh bos agas korfow eseli Krist? Ytho, a wrav vy kemmeres eseli Krist ha gul dhedha bos eseli hora? Bynner re hwarvo!

Galatianys 6:14

Bynner re bo bostyans dhymmo vy, saw yn krows agan Arloedh Yesu Krist, ha dredhi an bys ma krowsys dhymm ha my dhe'n bys.

Yoshua 22:29

Pell bedhes dhiworthyn ni defia an Arloedh, ha treylya y'n jydh ma a siwya an Arloedh rag drehevel alter rag offrynn leskys, offrynn, po sakrifis, nag yw alter an Arloedh agan Duw usi a-rag y dabernakel.’

Yoshua 24:16

Ena an bobel a worthybis ow leverel, ‘Pell bedhes dhiworthyn, ni dhe forsakya an Arloedh dhe servya duwow erell;

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 24:6

Yn-medh ev dh'y wer, ‘An Arloedh difenn my dhe wul hemma dhe'm arloedh, untys an Arloedh, owth ystynn ow leuv er y bynn; rag ev yw untys an Arloedh.’