1 Myghternedh 21:27 - An Bibel Kernewek 20234 (Kernewek Kemmyn)

²⁷ Pan glewas Ahab an geryow na, ev a skwardyas y dhillas ha gorra saghlenn war y gig noeth; ev a wrug penys, growedha y'n saghlenn, ha mos a-dro yn foredhek.

1 Myghternedh 21:27 ပူးပေါင်းရင်းမြစ်များ

Jenesis 37:34

Ena Yakob a skwardyas y dhillas ha gorra yskar a-dro dh'y dhiwglun, ha kyni rag y vab lies dydh.

2 Samuel 3:31

Ena Davydh a leveris dhe Yoab ha dhe oll an bobel esa ganso, ‘Skwardyewgh agas dillas, hag omwrogysewgh gans yskar, ha kynewgh war Abner.’ Ha myghtern Davydh a holyas an eler.

1 Myghternedh 21:28

Ena ger an Arloedh a dheuth dhe Elias an Tishbeyas:

2 Myghternedh 18:37

Ena Elyakim mab Hilkia, governour an palys, ha Shebna an pennskrifennyas, ha Yoagh mab Asaf, an kovadhor, a dheuth dhe Hezekia, skwardys aga dillas ha derivas dhodho geryow an Rabshake.

2 Myghternedh 19:1

Pan glewas myghtern Hezekia hemma, ev a skwardyas y dhillas, omgwetha yn yskar, ha dos yn chi an Arloedh.

2 Myghternedh 6:30

Pan glewas an myghtern geryow an venyn, ev a skwardyas y dhillas. Pan esa ow tremena war an fos, an bobel a viras, hag otta, ev a'n jevo yskar a-bervedh nessa dh'y groghen.

1 Kroniklys 21:16

Davydh a dhrehevis y dhewlagas ha gweles el an Arloedh ow sevel yntra nor ha nev, hag yn y leuv kledha noeth ystynnys yn-mes war Yerusalem. Y'n eur na Davydh ha'n henavogyon, gwiskys yn yskar, a goedhas war aga fas.

Job 16:15

‘My re wias yskar war ow kroghen, ha gorra ow horn y'n doust.

Eksodus 33:4

Pan glewas an bobel an yeyn nowodhow ma, i a gynis; ha ny wiskas denvyth y degynnow.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 38:15

Pandr'a lavarav? Ev re gewsis dhymm, hag ev y honan re'n gwrug. My a gerdh yn lent oll ow blydhynyow drefenn hwerowder ow enev.

Yeremia 36:24

Mes ny's teva own na ny fregsons aga dillas, naneyl an myghtern, na'y servysi neb a glewas oll an geryow ma.

Yoel 1:13

Omwrogysewgh ha kyni, hwi oferysi; oulyewgh, hwi venystrys an alter: dewgh, spenewgh an nos yn yskar, hwi venystrys ow Duw: rag an offrynn greun ha'n offrynn diwes yw kemmerys dhe-ves dhiworth chi agas Duw.

Yona 3:10

Ha Duw a welas aga oberow, i dhe dreylya dhiworth aga fordh dhrog; ha Duw a gemmeras edrek a'n drog a lavarsa ev dhe wul dhedha; ha ny'n gwrug.

Yona 3:6

Pan dheuth an ger dhe vyghtern Nineve, ev a sevis a'y se ha diwiska y bows ryel, hag omgwetha gans yskar, hag esedha yn lusu.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’