1 Myghternedh 21:2 - An Bibel Kernewek 20234 (Kernewek Kemmyn)

² Ahab a leveris dhe Naboth, ‘Ro dhymm dha winlann, ma'm bydh erber, drefenn y vos ogas dhe'm chi; my a re dhis gwinlann well rygdhi; poken, mars yw da genes, my a re dhis hy thalvosogeth yn arghans.’

1 Myghternedh 21:2 ပူးပေါင်းရင်းမြစ်များ

Jenesis 16:6

Mes yn-medh Abram dhe Saray, ‘Awotta, yma dha vaghteth y'th leuv. Gwra dhedhi dell vo plegadow dhis.’ Ena Saray a wrug hy thebeldhyghtya, ytho hi a fias dhiworth hy golok.

Jenesis 3:6

Ha'n venyn, pan welas bos an wydhenn da rag boes, ha'y bos teg dhe'n dewlagas, ha gwydhenn dhesiradow dhe wul den fur, hi a gemmeras nebes a'y frut ha dybri; ha hi a ros ynwedh dh'y gour esa gensi, hag ev a dhybris.

1 Myghternedh 21:3

Mes Naboth a leveris dhe Ahab, ‘An Arloedh a'm difennas a ri dhis eretons ow thasow.’

1 Myghternedh 21:6

Ev a leveris dhedhi, ‘Drefenn my dhe gewsel orth Naboth an Yezreelyas ha leverel dhodho, “Ro dhymm dha winlann rag arghans; poken, mars yw gwell genes, my a re dhis ken winlann rygdhi”; mes ev a worthybis, “Ny rov ow gwinlann dhis.” ’

2 Myghternedh 9:27

Mes pan welas Ahazia myghtern Yuda hemma ev a fias war an fordh dhe Beth-haggan. Yehu a'n siwyas, ow leverel, ‘Tennewgh orto ynwedh!’ Hag i a dennas orto y'n charett war an fordh a yskynn dhe Gur hag usi ryb Ybleam. Hag ev a fias dhe Megiddo ha merwel ena.

Eksodus 20:17

Na wra hwansa chi dha gentrevek na hwansa gwreg dha gentrevek, na'y was, na'y vaghteth, na'y ojyon, na'y asen, na travyth eus dhe'th kentrevek.

Ekklesiastes 2:5

My a wrug ragov vy ow honan lowarthyow ha lies paradhis, ha plansa ynna pub eghenn a frutwydh.

An Gan a Ganow 4:15

Fenten yn lowarth, fenten a dhowrow bew, ha goverow ow resek yn-nans dhiworth Lebanon.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Luk 12:15

Hag yn-medh ev dhedha, ‘Bedhewgh war, hag omwithewgh a bithneth oll, rag kyn fo palster dhe dhen, ny dheu y vewnans a'y bythow.’

Dewteronomi 11:10

Ynwedh, an tir mayth esos ow tos di dh'y erita, nyns yw haval dhe bow Ejyp, le may teuthewgh yn-mes alena, le may hessys dha has ha'y dhowrhe gans dha droes, avel losowek.

Dewteronomi 5:21

Na hwans benyn dha gentrevek. Na yeun chi dha gentrevek, na'y wel, na'y was, na'y vaghteth, na'y ojyon, na'y asen, na travyth eus dhe'th kentrevek.

1 Timothi 6:9

An re a vynn bos rych a goedh yn temptasyon ha maglenn ha lies tebel-ewl gokki ha drog a wra dhe dus beudhi yn terroes ha diswrians.

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.

1 Samuel 8:14

Hag ev a gemmer agas parkow ha'gas gwinlannow ha'gas olewbrennyer, an gwella anedha, ha'ga ri dh'y wesyon.

1 Samuel 8:6

Mes an dra a dhisplesyas Samuel pan lavarsons, ‘Ro dhyn myghtern dh'agan breusi.’ Samuel a bysis war an Arloedh,