1 Myghternedh 21:19 - An Bibel Kernewek 20234 (Kernewek Kemmyn)

¹⁹ Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

1 Myghternedh 21:19 ပူးပေါင်းရင်းမြစ်များ

Jenesis 3:11

Hag yn-medh ev, ‘Piw a leveris dhis dha vos noeth? A wruss'ta dybri a'n wydhenn may hworhemmynnis dhis na wrelles dybri anedhi?’

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 12:9

Prag y tispressys ger an Arloedh, dhe wul an drog yn y wolok? Ty re weskis Uria an Hittyas gans an kledha, ha kemmeres y wreg dhe vos dha wreg, ha'y ladha gans kledha an Ammonysi.

1 Myghternedh 22:38

I a wolghas an charett ryb poll yn Samaria mayth omvadhyens horys; an keun a lapyas y woes, herwydh ger an Arloedh re gowssa.

2 Myghternedh 10:10

Godhvydhewgh lemmyn na goedh dhe'n dor travyth a er an Arloedh, a gewsis an Arloedh a-dro dhe ji Ahab; rag an Arloedh re wrug an pyth a leveris der y was Elias.’

2 Myghternedh 10:7

Pan dheuth an lyther dhedha, i a gemmeras mebyon an myghtern ha'ga ladha; i a worras aga fenn yn kanstellow ha'ga dannvon dhe Yezreel.

2 Myghternedh 6:32

Mes Elisha a esedhas yn y ji hag yth esa an henavogyon owth esedha ganso. An myghtern re dhannvonsa gour, mes kyns an gannas dhe dhos, Elisha a leveris dhe'n henavogyon, ‘A welowgh fatell dhannvonas an mab a voldrer ma nebonan rag kemmeres dhe-ves ow fenn? Mirewgh, pan dheu an gannas, degeewgh an daras ha'y synsi fast er y bynn. A nyns yw son treys y vester war y lergh?’

Ester 7:10

Ytho, i a grogas Haman war an wydhenn a bareussa ev rag Mordekay, hag yndella koselhes veu konnar an myghtern.

Job 31:39

mar tybris y askorr heb talas, po terri spyrys y wonedhysi;

Salmow 68:23

rag may trogghi dha droes yn goes, rag may kaffo taves dha geun y rann a'th eskerens.’

Salmow 9:13

Bydh grassyes orthiv, A Arloedh; mir orth ow anken, a wodhavav dhiworth an re a'm kas, ty neb a'm drehav dhiworth porthow ankow,

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

Yeremia 34:6

Ena Yeremia an profoes a gewsis oll an geryow ma dhe Sedekia myghtern Yuda, yn Yerusalem,

Ezekiel 46:18

Ny wra an pennsevik kemmeres travyth a eretons an bobel, orth aga thewlel mes a'ga ferghennogeth; ev a re eretons dh'y vebyon yn-mes a'y berghennogeth y honan, ma na vo nagonan a'm pobel diberthys dhiworth y berghennogeth.

Habakkuk 2:12

Go-ev neb a dhrehav tre gans goes ha fondya sita war gammhynseth.

Habakkuk 2:9

Go-ev neb a gemmer tebel brow rag y ji, ow settya y neyth a-vann may fo delivrys dhiworth an leuv a dhrogober.

Matthew 7:2

rag gans an vreus may hwrewgh hwi breusi dredhi, hwi a vydh breusys, ha gans an musur may fusurowgh hwi ganso, y fydh musurys dhy'hwi.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.