1 Myghternedh 21:13 - An Bibel Kernewek 20234 (Kernewek Kemmyn)

¹³ An dhew vilen a dheuth a-ji hag esedha a-dal dhodho; ha'n vilens a dhustunias erbynn Naboth yn lok an bobel, ow leverel, ‘Naboth a vollethis Duw ha'n myghtern.’ Ytho i a'n dug yn-mes a'n sita ha'y labydha bys y'n mernans.

1 Myghternedh 21:13 ပူးပေါင်းရင်းမြစ်များ

1 Myghternedh 21:14

Ena i a dhannvonas dhe Yezebel, ow leverel, ‘Naboth re beu labydhys; marow yw.’

2 Myghternedh 6:32

Mes Elisha a esedhas yn y ji hag yth esa an henavogyon owth esedha ganso. An myghtern re dhannvonsa gour, mes kyns an gannas dhe dhos, Elisha a leveris dhe'n henavogyon, ‘A welowgh fatell dhannvonas an mab a voldrer ma nebonan rag kemmeres dhe-ves ow fenn? Mirewgh, pan dheu an gannas, degeewgh an daras ha'y synsi fast er y bynn. A nyns yw son treys y vester war y lergh?’

2 Myghternedh 9:26

“Yn sur, my a welas goes Naboth, ha goes y vebyon de, a lever an Arloedh; ha my a attal dhis war an splatt ma.” Ytho lemmyn kemmer e yn-mes ha tewl e y'n splatt a dir, herwydh ger an Arloedh.’

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Job 1:11

Mes ystynn dha leuv lemmyn, ha tochya pup-tra oll a'n jeves, hag ev a wra dha villiga y'th fas.’

Job 1:5

Ha pan dho kylgh an kevewi dhe benn, Job a dhannvona ha'ga sakra, hag ev a sevi myttin a-varr hag offra offrynnow leskys herwydh an niver anedha oll, rag Job a leveri, ‘Martesen ow mebyon re beghas ha milliga Duw yn aga holonn.’ Yndella y hwre Job prest.

Job 2:9

Ena y wreg a leveris dhodho, ‘A withydh hwath yn fast dha lander? Millik Duw ha marw.’

Job 31:39

mar tybris y askorr heb talas, po terri spyrys y wonedhysi;

Salmow 27:12

Na'm ro vy dhe vynnas ow eskerens; rag fals dhustuniow re sevis er ow fynn, ha'n re a gews yn hager.

Salmow 35:11

Fals dhustuniow a sev; i a wovynn dhiworthiv taklow nag aswonnav.

Eksodus 20:16

Na wra fals dhustuni erbynn dha gentrevek.

Lavarow Koth 19:28

Dustunier koeg a wra ges orth gwirvreus, ha ganow an debeles a lenk anewnder

Lavarow Koth 19:5

Nyns a fals dhustunier heb kessydhyans, ha ny dhienk gowleveryas.

Lavarow Koth 19:9

Nyns a fals dhustunier heb kessydhyans, ha gowleveryas a dhe goll.

Lavarow Koth 25:18

Fust, kledha po seth lymm yw neb a dheg fals dhustuni erbynn kentrevek.

Lavarow Koth 6:19

fals dhustunier hag a anell gow yn-mes, ha den neb a has diskord yntra breder.

Ekklesiastes 10:20

Na volloth myghtern na hwath y'th prederow, ha na volloth den rych y'th chambour, rag edhen a'n nevow a yll degi dha lev a-dro, ha nebonan gans eskelli a yll derivas dha eryow.

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Ysay 8:21

Ev a dremen der an tir, duwenik ha nownek; ha rag bos dhedha nown, i a vydh serrys, hag ow mires war-vann i a volleth aga myghtern ha'ga Duw;

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 9:3

Gans henna re an skribys a gewsis yntredha aga honan, ‘Yma an den ma ow plasfemya.’

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Yowann 19:12

Alena rag, Pilat a hwila y livra; mes an Yedhewon a armas, ow leverel, ‘Mar livrydh an den ma, nyns osta koweth Sesar.’

Oberow 24:5

Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 6:11

Ena i a vovyas gwer yn-dann gel dhe leverel, ‘Ni re'n klewas ow kewsel geryow blasfemus erbynn Moyses ha Duw.’

Dewteronomi 13:10

Labydh ev gans meyn may farwo, drefenn ev dhe hwilas dha dhynya dhiworth an Arloedh dha Dhuw neb a's dros yn-mes a bow Ejyp, dhiworth an chi a gethneth.

Dewteronomi 21:21

Ena oll gwer y dre a'n labydh gans meyn, may farwo. Yndella ty a garth an drog a-dhiworthowgh, hag oll Ysrael a glew, ha perthi own.

Dewteronomi 22:21

ena i a dhre an vyrgh yn-mes dhe dharas chi hy thas, ha gwer hy thre a's labydh gans meyn may farwo, drefenn hi dhe wul outray yn Ysrael, ow pos hora yn chi hy thas. Yndella ty a garth an drog a-dhiworthowgh.

Dewteronomi 22:24

hwi a's dre aga dew dhe yet an dre na, ha'ga labydha gans meyn may farwons, an vyrgh drefenn na armas y'n dre, ha'n gour drefenn ev dhe uvelhe gwreg y gentrevek. Yndella ty a garth an drog a-dhiworthowgh.

Dewteronomi 5:20

Na wra fals dhustuni erbynn dha gentrevek.

Ebrowyon 11:37

Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys