1 Myghternedh 21:1 - An Bibel Kernewek 20234 (Kernewek Kemmyn)

¹ Wosa hemma y siwyas an hwarvosow ma: Naboth an Yezreelyas a'n jevo gwinlann yn Yezreel, ryb palas myghtern Ahab a Samaria.

1 Myghternedh 21:1 ပူးပေါင်းရင်းမြစ်များ

2 Myghternedh 9:21

Yoram a leveris, ‘Herness ow charett.’ Ha'y charett a veu pareusys. Ena Yoram myghtern Ysrael hag Ahazia myghtern Yuda eth yn-mes, kettep onan yn y jarett, hag i eth yn-mes erbynn Yehu ha metya orto yn splatt Naboth an Yezreelyas.

2 Myghternedh 9:25

Ena Yehu a leveris dhe Bidkar y gapten, ‘Kemmer e yn-mes ha tewl e y'n splatt a dir dhe Naboth an Yezreelyas; rag porth kov fatell worras an Arloedh an dargan ma warnodho ha ty ha my ow marghogeth an eyl ryb y gila war-lergh y das Ahab,

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Yoshua 19:18

Yth esa aga or troha Yezreel, Kesulloth, Shunem,

Breusysi 6:33

Ena oll a Midyanysi ha'n Amalekysi ha mebyon an est a dheuth war-barth, hag ow treusi an avon i a gampyas yn nans Yezreel.

1 Samuel 29:1

Lemmyn an Filistysi a guntellas oll aga luyow war-barth yn Afek, hag Ysrael a gampyas ryb an fenten usi yn Yezreel.