1 Myghternedh 20:7 - An Bibel Kernewek 20234 (Kernewek Kemmyn)

⁷ Ena myghtern Ysrael a elwis war oll henavogyon an tir, ha leverel, ‘Gwelewgh fatell usi an gour ma ow hwilas dregynn; rag ev a dhannvonas dhymm rag ow gwragedh, ow fleghes, ow arghans, hag ow owr; ha ny'n neghis.’

1 Myghternedh 20:7 ပူးပေါင်းရင်းမြစ်များ

1 Myghternedh 20:6

byttegyns, my a dhannvon ow wesyon dhis a-vorow a-dro dhe'n termyn ma, hag i a hwila y'th chi ha chiow dha wesyon, ha gorra aga leuv war bypynag a bleg dhedha, ha'y gemmeres dhe-ves.’

1 Myghternedh 20:8

Ena oll an henavogyon hag oll an bobel a leveris dhodho, ‘Na woslow, ha na assent.’

1 Myghternedh 21:8

Ytho hi a skrifas lytherow yn hanow Ahab ha'ga selya gans y sel; hi a dhannvonas an lytherow dhe'n henavogyon ha dhe'n ugheloryon esa trigys gans Naboth yn y sita.

1 Myghternedh 8:1

Ena Solomon a guntellas henavogyon Ysrael hag oll pennow an loethow, ha hembrenkysi chiow tasow Ysrael, a-rag myghtern Solomon yn Yerusalem, rag dri argh kevambos an Arloedh yn-mes a sita Davydh, hag yw Sion.

2 Myghternedh 5:7

Wosa redya an lyther, myghtern Ysrael a skwardyas y dhillas ha leverel, ‘Ov Duw, dhe ri mernans po bewnans, may tannvon an den ma ger dhymm rag yaghhe gour a'y lovryjyon? Mirewgh fatell usi ev ow hwilas kedrynn genev.’

1 Kroniklys 13:1

Myghtern Davydh a omgusulyas gans kaptenyon an milyow ha'n kansow, gans oll an soedhogyon.

1 Kroniklys 28:1

Myghtern Davydh a guntellas yn Yerusalem oll soedhogyon Ysrael, pennow an loethow, pennow an rannow a servya an myghtern, kaptenyon milyow, kaptenyon kansow, an soedhogyon a'n jevo charj a oll an pythow hag a oll chatel an myghtern ha'y vebyon, war-barth gans soedhogyon an palys, an gasoryon hag oll an vreselyoryon golonnek.

Job 15:35

I a gonsev dregynn, ha dineythi droktra, ha'ga thorr a dharbar toell.’

Salmow 140:2

neb a dewl droktowlow yn aga holonn, ha pub dydh oll i a sord breselyow.

Salmow 36:4

Ev a dewl dregynn war y weli; hag ev a worr y honan yn fordh nag yw da; ny hepkorr sherewneth.

Salmow 62:3

Pygemmys prys y settyewgh war dhen, orth y voldra, hwi oll, avel fos kromm, po avel ke herdhys yn-nans?

Salmow 7:14

Otta, ev yw torrek gans sherewneth; ev re gonsevyas dregynn, ha dineythi falsuri.

Lavarow Koth 11:14

Yn tyller ma nag eus gidyans, an bobel a fyll, mes yn palster a gonseloryon yma sawder.

Lavarow Koth 11:27

Neb a hwila dader yn fen a gyv favour, mes droktra a dheu dhe neb a'n hwila.

Lavarow Koth 24:2

Rag aga holonn a dhevis freudh, ha'ga diwweus a gews a dhregynn.

Lavarow Koth 6:14

gans kolonn dreus ev a dhevis droktra, pup-prys ow hasa kedrynnow.

Daniel 11:27

Kolonn an dhew vyghtern a vydh parys dhe wul drog; orth an keth voes y hwrons gowleverel, mes yn euver, rag y fydh an diwedh orth an prys apoyntys.