1 Myghternedh 20:42 - An Bibel Kernewek 20234 (Kernewek Kemmyn)

⁴² Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

1 Myghternedh 20:42 ပူးပေါင်းရင်းမြစ်များ

2 Samuel 12:7

Ena yn-medh Nathan dhe Davydh, ‘Ty yw an gour. Yndellma y lever an Arloedh, Duw Ysrael: My a'th untyas myghtern war Ysrael, ha my a'th telivras yn-mes a leuv Sowl.

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

1 Myghternedh 20:39

Pan esa an myghtern ow tremena, ev a grias war an myghtern ha leverel, ‘Dha was eth yn-mes yn kres an vatel; ena souder a dreylyas ha dri gour dhymm, ha leverel, “Gwith an gour ma; mar tienk, dha vewnans a vydh res rag y vewnans, poken ty a be talent a arghans.”

1 Myghternedh 20:41

Ena ev a gemmeras an lystenn yn uskis a'y lagas. Myghtern Ysrael a'n aswonnis avel onan a'y brofoesi.

2 Myghternedh 6:24

Wosa hemma Ben-hadad, myghtern Aram, a guntellas oll y lu hag yskynna ha gul esedhva war Samaria.

2 Myghternedh 8:12

Hazael a wovynnas, ‘Prag yth oelydh, ow arloedh?’ Ev a worthybis, ‘Drefenn my dhe wodhvos an drog a wredh dhe fleghes Ysrael: ty a lesk aga heryow, ty a ladh aga gwer yowynk gans an kledha, ha brewi aga fleghigyow, ha skwardya aga benynes hag yw gans flogh.’

Levitikus 27:29

Den vytholl a vo sakrys dhe dhistruyans, ny vydh dasprenys. Ev a vydh gorrys dhe'n mernans.

1 Samuel 28:18

Drefenn na woslewsys orth lev an Arloedh, na kollenwel y sorr fell war Amalek, rakhenna an Arloedh re wrug hemma dhis hedhyw.