1 Myghternedh 20:39 - An Bibel Kernewek 20234 (Kernewek Kemmyn)

³⁹ Pan esa an myghtern ow tremena, ev a grias war an myghtern ha leverel, ‘Dha was eth yn-mes yn kres an vatel; ena souder a dreylyas ha dri gour dhymm, ha leverel, “Gwith an gour ma; mar tienk, dha vewnans a vydh res rag y vewnans, poken ty a be talent a arghans.”

1 Myghternedh 20:39 ပူးပေါင်းရင်းမြစ်များ

1 Myghternedh 20:40

Rag bos dha was bysi omma hag ena, gyllys o.’ Myghtern Ysrael a leveris dhodho, ‘Yndellma y fydh dha vreus; rag ty dha honan a'n erviras.’

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

2 Myghternedh 10:24

Ena i eth a-ji rag gul sakrifisow hag offrynnow leskys. Yehu a settyas peswar-ugens a'y wer tu a-ves ha leverel, ‘An gour a as onan a'n wer a dhrov yn agas diwleuv dhe skapya, y vewnans a vydh yn le bewnans an skapyer.’

Job 36:18

Bydh war na wrello denvyth dha dhynya gans rychys, ha na wrello falswober bras dha dreylya a-denewen.

Salmow 49:7

Mes devri ny yll nagonan anedha prena y vroder, na ri daspren dhe Dhuw ragdho.

Eksodus 21:30

Mar pydh ronson gorrys warnodho, ena ev a re rag dasprena y vewnans pynag a vo gorrys warnodho.

Lavarow Koth 13:8

Daspren bewnans den yw y byth, mes ny'n jeves den boghosek godros.

Lavarow Koth 6:35

Ny vynn ev degemmeres attal vyth; na ny vydh ev pes da, kyn redh rohow pals.

Yeremia 48:10

Milliges yw ev neb yw diek ow kul ober an Arloedh, ha milliges yw ev neb a with y gledha dhiworth skoellya goes.