1 Myghternedh 20:38 - An Bibel Kernewek 20234 (Kernewek Kemmyn)

³⁸ Ena an profoes a dhibarthas, ha gortos an myghtern war an fordh, ow tivelebi y semlans gans lystenn war y lagas.

1 Myghternedh 20:38 ပူးပေါင်းရင်းမြစ်များ

2 Samuel 14:2

Ytho Yoab a dhannvonas dhe Tekoa ha kyrghes alena benyn fur, ha leverel dhedhi, ‘My a'th pys, omwra kynores, ha gwisk yn dillas kynvann, ha na wra untya dha honan gans oyl, ha bydh avel benyn re beu ow kyni lies dydh rag den marow:

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

1 Myghternedh 20:37

Ena ev a gavas gour arall ha leverel, ‘Gwask vy!’ Ytho an gour a'n gweskis, hag orth y weskel ev a'n golias.

1 Myghternedh 20:41

Ena ev a gemmeras an lystenn yn uskis a'y lagas. Myghtern Ysrael a'n aswonnis avel onan a'y brofoesi.

1 Myghternedh 22:30

Myghtern Ysrael a leveris dhe Yehoshafat, ‘My a doellwisk ow honan ha mos y'n vatel, mes ty gwisk dha woenyow.’ Ytho myghtern Ysrael a doellwiskas ha mos y'n vatel.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.