1 Myghternedh 20:34 - An Bibel Kernewek 20234 (Kernewek Kemmyn)

³⁴ Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

1 Myghternedh 20:34 ပူးပေါင်းရင်းမြစ်များ

1 Myghternedh 15:20

Ben-hadad a woslowas orth myghtern Asa, ha dannvon kaslewydhyon y luyow erbynn sitys Ysrael. Ev a fethas Iyon, Dan, Abel-beth-maaka, hag oll Kinneroth, gans tiredh oll Naftali.

Ysay 26:10

Mars yw favour diskwedhys dhe debelwas, ny dhysk ewnder; yn tir a ewnder ev a wra anewnder, heb gweles meuredh an Arloedh.

1 Myghternedh 20:42

Ena ev a leveris dhodho, ‘Yndellma y lever an Arloedh, “Drefenn ty dhe asa dhe dhiank an gour neb a apoyntis dhe dhistruans, ytho dha vewnans a vydh rag y vewnans, ha dha bobel rag y bobel.” ’

Ysay 8:12

Na leverewgh ‘Bras!’ pup-prys may hwra an bobel ma leverel bras, ha na berthewgh own a'ga own, na vedhewgh dyegrys.

2 Kroniklys 18:30

Lemmyn myghtern Aram re worhemmynnsa dhe gaslewydhyon y jarettow, ‘Na omledhewgh orth byghan na bras, saw unnsel gans myghtern Ysrael.’

2 Kroniklys 16:4

Ben-hadad a woslowas orth myghtern Asa, hag a dhannvonas kaslewydhyon y luyow erbynn sitys Ysrael. I a fethas Iyon, Dan, Abel-maym, hag oll sitys-gwithva Naftali.

1 Myghternedh 22:31

Mes myghtern Aram re worhemmynnsa dhe'n dewdhek kapten warn ugens a'y jarettow, ‘Na omledhewgh gans nagonan byghan na meur, marnas gans myghtern Ysrael.’

1 Samuel 11:1

Ena Nahash an Ammonyas a dheuth yn-bann hag omsettya a-dro dhe Yabesh Gilead. Hag oll gwer Yabesh a leveris dhodho, ‘Gwra kevambos genen, ha ni a wra dha servya.’

1 Myghternedh 20:33

An wer a gonvedhas hemma avel koel da; i a's kemmeras yn uskis a-dhiworto ha leverel, ‘Gwir, Ben-hadad yw dha vroder.’ Ena ev a leveris, ‘Ke dh'y gyrghes.’ Ytho Ben-hadad a dheuth yn charett.

Dewteronomi 7:2

ha pan wra an Arloedh dha Dhuw aga delivra dhis, ty a wra aga gweskel, ha'ga sakra dhe dhistruyans. Na wra kevambos gansa, nag dhiskwedhes mersi.

1 Samuel 15:8

Hag ev a gemmeras Agag myghtern an Amalekysi yn few, ha distrui glan oll an bobel dre vin an kledha.

1 Samuel 15:9

Mes Sowl ha'n bobel a sparyas Agag, ha'n gwella a'n deves hag a'n oghen hag a'n enyvales peskys, ha'n eyn, ha pup-tra a veu da, ha ny vynnens aga distrui glan; mes pup-tra dispresys ha koeg i a dhistruis glan.