Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.
Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.
ha kuntell lu ervys avel an lu re gellsys, margh rag margh ha charett rag charett; ena ni a omladh er aga fynn y'n gwastattir, hag yn sur ni a vydh kreffa agessa.’ Ev a woslowas orth aga lev, ha gul yndellma.