1 Myghternedh 20:23 - An Bibel Kernewek 20234 (Kernewek Kemmyn)

²³ Gwesyon myghtern Aram a leveris dhodho, ‘Aga duwow yw duwow a'n menydhyow, hag yndellma i o kreffa agesson; mes gas ni dhe vatalyas orta y'n gwastattir, hag yn sur ni a vydh kreffa agessa.

1 Myghternedh 20:23 ပူးပေါင်းရင်းမြစ်များ

1 Myghternedh 14:23

Rag i a dhrehevis dh'aga honan ynwedh tylleryow ughel, peulveyn hag Asherim war bub bre ughel hag yn-dann bub gwydhenn las;

1 Myghternedh 20:24

Ha gwra hemma: gordhyllo an vyghternedh, peub a'y le, ha gorra kaslewydhyon yn aga le;

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

1 Myghternedh 20:31

Y wesyon a leveris dhodho, ‘Mir, ni re glewas bos tregeredhus myghternedh chi Ysrael; gwren omwiska gans saghlenn a-dro dh'agan kres ha lovonow war agan penn, ha mos yn-mes dhe vyghtern Ysrael; martesen ev a saw dha vewnans.’

2 Myghternedh 19:12

A wrug duwow an kenedhlow aga delivra, an kenedhlow a wrug ow thasow aga distrui, Gozan, Haran, Resef, ha mebyon Eden esa yn Telassar?

Ysay 36:20

Piw eus a oll duwow a'n tiryow ma neb a dhelivras aga thiryow yn-mes a'm leuv? Ytho fatell yll an Arloedh delivra Yerusalem yn-mes a'm leuv?” ’

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Yeremia 16:19

A Arloedh, ow nerth, hag ow skons, ha'm skovva yn dydh an galar, an kenedhlow a wra dos dhis a-dhiworth pennow an nor, ha leverel: Yn sur agan tasow re eritas gowyow, euveredh ha traow heb les.

1 Samuel 4:8

Go-ni! Piw a yll agan delivra a-dhiworth dorn an duwow galloesek ma? An re ma yw an duwow neb a weskis an Ejyptianys gans plagys y'n gwylvos.