1 Myghternedh 20:22 - An Bibel Kernewek 20234 (Kernewek Kemmyn)

²² Ena an profoes a dheuth nes dhe vyghtern Ysrael ha leverel dhodho, ‘Deus, omgrevha, hag ombreder yn ta an pyth a wredh; rag y'n gwenton myghtern Aram a dheu arta er dha bynn.’

1 Myghternedh 20:22 ပူးပေါင်းရင်းမြစ်များ

2 Samuel 11:1

Yn gwenton an vlydhen, y'n termyn mayth a myghternedh yn-rag dhe vatalyas, Davydh a dhannvonas Yoab ha'y wesyon ganso, hag oll Ysrael; hag i a dhistruis an Ammonysi, hag omsettya a-dro dhe Rabba. Mes Davydh a wortas yn Yerusalem.

1 Myghternedh 19:10

Ev a worthybis, ‘My re beu pur dhiwysyk rag an Arloedh, Duw an luyow, rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 20:13

Ena y teuth neb unn profoes dhe vyghtern Ahab a Ysrael ha leverel, ‘Yndellma y lever an Arloedh, A welsys oll an routh veur ma? Mir, my a's re y'th leuv hedhyw; ha ty a wodhvydh ow bos an Arloedh.’

1 Myghternedh 20:21

Myghtern Ysrael eth yn-mes, omsettya war an vergh ha'n charettow, ha fethas Aram yn ladhva veur.

1 Myghternedh 20:26

Y'n gwenton Ben-hadad a guntellas Aram ha mos bys yn Afek rag batalyas orth Ysrael.

1 Myghternedh 20:38

Ena an profoes a dhibarthas, ha gortos an myghtern war an fordh, ow tivelebi y semlans gans lystenn war y lagas.

1 Myghternedh 22:8

Myghtern Ysrael a leveris dhe Yehoshafat, ‘Yma hwath ken onan may kovynnyn a'n Arloedh dredho, Mikaya mab Ymla; mes my a'n kas, rag ny dhargan dader dhymm, marnas drog.’ Yehoshafat a leveris, ‘Na leveres an myghtern tra a'n par na.’

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

1 Kroniklys 20:1

Orth treylyans an vlydhen, an termyn mayth a myghternedh yn-mes dhe vatalyas, Yoab a ledyas an lu yn-mes, ha gwastya tir an Ammonysi ha dos hag omsettya a-dro dhe Rabba. Mes myghtern Davydh a wortas yn Yerusalem. Yoab a weskis Rabba ha'y domhwel.

2 Kroniklys 25:11

Amasia a gemmeras kolonn hag a ledyas y bobel yn-mes; ev eth dhe nans an Hoelan, hag ev a ladhas deg mil souder a Seir.

2 Kroniklys 25:8

Rag hwath mars edh gans an re ma ha bos krev yn batel, Duw a'th tomhwel a-rag an eskar; rag Duw a'n jeves galloes po dhe weres po dhe dhomhwel.’

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Lavarow Koth 18:10

Hanow an Arloedh yw tour krev, an den gwiryon a boen a-bervedh ynno hag yw saw.

Lavarow Koth 20:18

Towlow yw fondys dre gusul; gwra gwerrya dre gevarwoedhyans fur.

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 42:8

My yw an Arloedh, henn yw ow hanow, ow glori ny'n rov dhe gen dhuw, nag ow gormola dhe imajys gravys.

Ysay 8:9

Bedhewgh terrys, poblow, ha bedhewgh dralys; ha goslowewgh, oll hwi vroyow pell, Omwrogysewgh, ha bedhewgh dralys! Omwrogysewgh, ha bedhewgh dralys!

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.