1 Myghternedh 20:16 - An Bibel Kernewek 20234 (Kernewek Kemmyn)

¹⁶ I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

1 Myghternedh 20:16 ပူးပေါင်းရင်းမြစ်များ

Hosea 4:11

Fornikasyon ha gwin ha gwin nowydh a gemmer dhe-ves an golonn.

Ysay 54:15

Otta, mar kwra nebonan omsettyans, nyns yw dhiworthiv vy; keniver a omsett er dha bynn, koedha a wra a'th wovis.

1 Myghternedh 16:9

Y was Zimri, kaslewydh hanter y jarettow, a vrasas er y bynn. Pan esa yn Tirsa, ev a evas ha bos medhow yn chi Arsa, rennyas y ji yn Tirsa,

1 Myghternedh 16:7

Ger an Arloedh a dheuth ynwedh dre leuv an profoes Yehu mab Hanani erbynn Baasha ha'y ji, ha drefenn oll an drog a wrug yn golok an Arloedh, orth y brovokya dhe sorr gans ober y dhiwleuv, ow pos haval dhe ji Yeroboam, hag ynwedh drefenn ev dh'y dhistrui.

1 Myghternedh 20:15

Ena ev a guntellas an wer yowynk a serv pennsevigyon an rannvroyow, dew kans dewdhek warn ugens; hag a-wosa ev a guntellas oll an bobel a Ysrael, seyth mil.

1 Myghternedh 20:17

An wer yowynk a serv pennsevigyon an rannvroyow eth yn-mes yn kynsa. Ben-hadad re dhannvonsa aspioryon, hag i a dherivas dhodho, ‘Gwer re dheuth yn-mes a Samaria.’

1 Myghternedh 22:31

Mes myghtern Aram re worhemmynnsa dhe'n dewdhek kapten warn ugens a'y jarettow, ‘Na omledhewgh gans nagonan byghan na meur, marnas gans myghtern Ysrael.’

Lavarow Koth 20:1

Gwin yw skornyer ha korev a wra tervans, ha nyns yw fur neb yw kammledys gansa.

Amos 6:7

Ytho lemmyn i a vydh an kynsa ow mos yn divroedh, ha kevewi an re a omystynn yn lows a hedh.

Ysay 5:22

Go-i neb yw galloesek dhe eva gwin, ha kampyoryon dhe gemmyska korev,