1 Myghternedh 20:12 - An Bibel Kernewek 20234 (Kernewek Kemmyn)

¹² Pan glewas Ben-hadad an messaj ma – hag ev owth eva gans an vyghternedh y'n skovvaow – ev a leveris dh'y wer, ‘Kemmerewgh agas tylleryow!’ Hag i a gemmeras aga thylleryow erbynn an sita.

1 Myghternedh 20:12 ပူးပေါင်းရင်းမြစ်များ

1 Myghternedh 16:9

Y was Zimri, kaslewydh hanter y jarettow, a vrasas er y bynn. Pan esa yn Tirsa, ev a evas ha bos medhow yn chi Arsa, rennyas y ji yn Tirsa,

1 Myghternedh 20:16

I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Daniel 5:30

An keth nos na y feu ledhys Belshassar, myghtern an Kaldeanys,

Daniel 5:2

Pan dastyas an gwin, Belshassar a worhemmynnis may fe dres an lestri owr hag arghans a gemmersa Nebukadnessar y das yn-mes a'n tempel yn Yerusalem, rag dhiworta mayth effa an myghtern ha'y arlydhi, y wragedh, ha'y iswragedh.

Yeremia 43:10

ha lavar dhedha, Yndellma y lever Arloedh an luyow, Duw Ysrael: Otta, my a dhannvon ha kemmeres Nebukadnessar myghtern Babylon, ow gwas, hag ev a worr y dron a-ugh an meyn ma re ynkleudhis, hag ev a les y babell ryel warnedha.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

1 Samuel 25:36

Abigayl a dheuth dhe Nabal; hag, otta, yth esa ev ow synsi kevewi yn y ji, kepar ha kevewi myghtern. Ha kolonn Nabal o lowenek a-ji dhodho, rag ev o pur vedhow; rakhenna ny dherivas hi travyth orto, byghan na bras, bys yn golow myttin.