1 Myghternedh 20:1 - An Bibel Kernewek 20234 (Kernewek Kemmyn)

¹ Ben-hadad myghtern Aram a guntellas war-barth oll y lu; yth esa dewdhek warn ugens myghtern ganso, keffrys ha mergh ha charettow. Ev eth yn-bann erbynn Samaria ha gorra esedhva warnedhi ha'y gweskel.

1 Myghternedh 20:1 ပူးပေါင်းရင်းမြစ်များ

1 Myghternedh 15:18

Ena Asa a gemmeras oll an arghans ha'n owr hag o gesys yn tresorvaow chi an Arloedh ha tresorvaow chi an myghtern, ha'ga ri yn leuv y wesyon. Myghtern Asa a's dannvonas dhe vyghtern Ben-hadad mab Tabrimmon mab Hezyon, myghtern Aram, esa trigys yn Damaskus, ow leverel,

1 Myghternedh 15:20

Ben-hadad a woslowas orth myghtern Asa, ha dannvon kaslewydhyon y luyow erbynn sitys Ysrael. Ev a fethas Iyon, Dan, Abel-beth-maaka, hag oll Kinneroth, gans tiredh oll Naftali.

1 Myghternedh 16:24

Ev a brenas menydh Samaria a-dhiworth Shemer a dhew dalent a arghans; ev a geras an menydh, ha gelwel an sita a dhrehevis, Samaria, war-lergh hanow Shemer, perghennek an menydh.

1 Myghternedh 20:16

I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

1 Myghternedh 20:2

Ena ev a dhannvonas kannasow a-berth y'n sita dhe Ahab myghtern Ysrael, ha leverel dhodho: ‘Yndellma y lever Ben-hadad:

1 Myghternedh 20:24

Ha gwra hemma: gordhyllo an vyghternedh, peub a'y le, ha gorra kaslewydhyon yn aga le;

1 Myghternedh 22:31

Mes myghtern Aram re worhemmynnsa dhe'n dewdhek kapten warn ugens a'y jarettow, ‘Na omledhewgh gans nagonan byghan na meur, marnas gans myghtern Ysrael.’

2 Myghternedh 6:8

Pup-prys pan esa myghtern Aram ow kwerrya erbynn Ysrael ev a omgusulya gans y wesyon, ow leverel y fedha y gamp yn neb tyller po arall.

2 Myghternedh 8:5

Pan esa ev ow leverel dhe'n myghtern fatell dhros ev korf marow arta dhe vewnans, otta, an venyn a dhros ev hy mab arta dhe vewnans a grias dhe'n myghtern a-barth hy chi ha'y thir. Ha Gehazi a leveris, ‘Ow arloedh an myghtern, homm yw an venyn, ha hemm yw hy mab a dhros Elisha arta dhe vewnans.’

Ezra 7:12

Artakserkses, myghtern myghternedh. Dhe Ezra an oferyas, dyskys yn lagha Duw nev, salusyans. Ha lemmyn:

Eksodus 14:7

ha kemmeres hwegh kans charett a'n gwella hag oll an charettow erell yn Ejyp, gans penngasor yn pubonan anedha.

Ysay 10:8

Rag yn-medh ev, ‘A nyns yw oll ow fennsevigyon myghternedh?

Ysay 37:24

Dre leuv dha servysi ty re skornyas an Arloedh ha leverel, “Gans ow lies charett my res eth yn-bann dhe dopp an menydhyow, dhe bella rannow Lebanon. My re droghas an hirra a'y gederwydh, an gwella a'y veryw. My re dheuth dh'y fenn pella, dhe brysk y goeswik.

Yeremia 49:27

Ha my a enow tan orth fos Damaskus, hag a gowllesk lysyow Ben-hadad.

Ezekiel 26:7

Rag yndellma y lever an Arloedh Duw: Awottavy ow tri erbynn Tyr Nebukadnessar myghtern Babylon dhiworth an gogledh, myghtern myghternedh, war-barth gans mergh ha charettow, gans marghoglu ha troeslu meur.

Daniel 2:37

Ty, a vyghtern, yw myghtern a vyghternedh; Duw an nevow re ros dhis ruvaneth, galloes, nerth hag enor.

Levitikus 26:25

Ha my a dhre kledha warnowgh dhe dhiella an kevambos; ha pan owgh hwi kuntellys war-barth a-berth yn agas sitys, my a dhannvon an pla yn agas mysk, ha hwi a vydh res a-ji dhe dhorn an eskar.

Amos 1:4

Ytho my a dhannvon tan war ji Hazael, dhe dhevorya palesyow Ben-hadad;

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.

Dewteronomi 28:52

Ev a omsett a-dro dhis yn oll dha yetys bys pan goettho dha fosow ughel ha kerys mayth esos ow trestya ynna der oll dha dir; hag ev a omsett a-dro dhis, yn oll dha yetys der oll dha dir, a ros an Arloedh dha Dhuw dhis.

Breusysi 1:7

Yn-medh Adoni-bezek, ‘Deg myghtern ha tri-ugens, aga meusi ha bysies-troes bras treghys dhe-ves, a guntella brewyon yn-dann ow moes; kepar dell wrugavy, yndella Duw re attylis dhymm.’ Hag i a'n dros dhe Yerusalem, hag ev a verwis ena.

Breusysi 4:3

Ena mebyon Ysrael a grias dhe'n Arloedh rag gweres; rag ev a'n jevo kans charett a horn, ha re arwasksa mebyon Ysrael yn fell ugens blydhen.

1 Samuel 13:5

An Filistysi a omguntellas war-barth dhe vatalyas orth Ysrael, tri mil jarett, ha hwegh mil varghek, ha pobel kepar ha'n tewes usi war an morrep yn niver; hag i a dheuth yn-bann ha kampya yn Mikmash, a'n est dhe Beth-aven.