1 Myghternedh 2:6 - An Bibel Kernewek 20234 (Kernewek Kemmyn)

⁶ Gwra ytho herwydh dha furneth, ha na as y vlew loes dhe dhiyskynn dhe ifarn yn kres.

1 Myghternedh 2:6 ပူးပေါင်းရင်းမြစ်များ

Jenesis 42:38

Mes yn-medh ev, ‘Ny wra ow mab mos yn-nans genowgh, rag marow yw y vroder, ha nyns eus gesys marnas ev y honan. Mar hwer droglamm dhodho y'n fordh mayth esowgh ow mos, dre alar hwi a dhre ow blew loes yn-nans dhe'n bedh.’

Jenesis 9:5

Hag yn sur, rag goes agas bewnans hwi my a vynn kavoes reknans; my a vynn y gavoes orth pub best; hag orth mab-den, orth den ha'y broder, my a vynn kavoes reknans a vewnans den.

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

1 Myghternedh 2:7

Mes bydh kuv orth vebyon Barzillay an Gileadyas, ha bedhens yn mysk an re a dheber orth dha voes: rag yndella y teuthons dhymm pan fiis vy dhiworth Absalom dha vroder.

1 Myghternedh 2:9

Rakhenna lemmyn na'n gas heb kessydhyans: rag gour fur osta, ha ty a woer an pyth a goedhvo dhis y wul dhodho. Doro y vlew loes dhe ifarn yn goes.’

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

2 Myghternedh 22:20

Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.

Salmow 37:37

Merk an den divlam, ha mir orth an den ewnhynsek, rag yma henedh dhe'n den a gres.

Lavarow Koth 20:26

Myghtern fur a wynsell an debeles, hag ev a dhre an ros warnedha.

Lavarow Koth 28:17

Den hag yw beghys gans skoellya goes neb den, re hwillo skovva y'n pytt; na res nagonan gweres dhodho.

Ekklesiastes 8:11

Pan nag eus breus gwrys a-dhesempis rag neb drogober, kennerthys yw kolonn mebyon den dhe wul drog.

Ysay 48:22

‘Nyns eus kres’, yn-medh an Arloedh, ‘rag an debeles.’

Ysay 57:2

Ev a enter bys yn kres. I a bowes war aga gweliow, ow kerdhes yn kompes.

Ysay 57:21

Nyns eus kres, yn-medh ow Duw, rag an debeles.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Niverow 35:33

Ny dal dhywgh defola an tir mayth esowgh trigys; rag goes a dhefol an tir, ha ny yll prenedh vyth bos gwrys rag an tir, drefenn an goes yw skoellys ynno, marnas der an goes a neb a'n skoellyas.