1 Myghternedh 2:37 - An Bibel Kernewek 20234 (Kernewek Kemmyn)

³⁷ Rag y'n jydh mayth edh yn-mes, ha mos dres an keynres Kidron, godhvydh yn sertan, ty a wra merwel; dha woes a vydh war dha benn dha honan.’

1 Myghternedh 2:37 ပူးပေါင်းရင်းမြစ်များ

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

2 Samuel 15:23

Hag oll an vro a oelas gans lev ughel, hag oll an bobel a dremenas yn-rag; an myghtern ynwedh a dremenas dres nans Kidron, hag oll an bobel a dremenas yn-rag, troha fordh an gwylvos.

1 Myghternedh 15:13

Ev a wordhellos ynwedh y vamm Maaka dhiworth hy soedh avel mamm-vyghternes, drefenn hi dhe wruthyl imaj kasadow a Ashera; Asa a droghas dhe'n dor hy thra gasadow ha'y leski yn nans Kidron.

1 Myghternedh 2:31

Yn-medh an myghtern dhodho, ‘Gwra dell leveris ev: koedh warnodho, ha'y ynkleudhyas. Yndella ty a gemmer dhiworthiv ha dhiworth chi ow thas kabel an goes gwiryon a wrug Yoab y skoellya.

1 Myghternedh 2:33

Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

1 Myghternedh 2:38

Yn-medh Shimei dhe'n myghtern, ‘Da yw an ger: dell leveris ow arloedh an myghtern, yndella y hwra dha was.’ Ytho yth esa Shimei trigys yn Yerusalem lies dydh.

2 Myghternedh 23:6

Ev a gemmeras an Ashera dhiworth chi an Arloedh a-ves dhe Yerusalem, dhe nans Kidron, ha'y leski yn nans Kidron, ha'y brewi dhe dhoust ha tewlel hy doust war ynkleudhva an werin.

2 Kroniklys 29:16

An oferysi eth a-berth yn pervedh chi an Arloedh rag y lanhe. I a dhros yn-mes oll an avlander a gavsons yn sentri an Arloedh, dhe glos chi an Arloedh; ha'n Levysi a'n kemmeras ha'y dhoen yn-mes dhe nans Kidron.

Yeremia 31:40

An nans oll a gorfow marow ha'n lusu, hag oll an gwelyow bys yn gover Kidron, dhe gornell Yet an Margh war-tu ha'n duryen, a vydh sans dhe'n Arloedh. Ny vydh diwreydhys na domhwelys nevra.

Ezekiel 18:13

neb a re rag oker ha kemmeres goroker: a wra ev bewa? Ny vew; ev re wrug oll an taklow kasadow ma; ev a vydh gorrys dhe'n mernans yn sur; y woes a vydh warnodho y honan.

Levitikus 20:9

Rag piwpynag a vollettho y das po y vamm a vydh gorrys dhe'n mernans yn sur. Ev re vollethis y das ha'y vamm. Y woes a vydh warnodho.

Yowann 18:1

Wosa leverel an taklow ma, Yesu eth dhe-ves gans y dhyskyblon dres an keynres Kedron, le mayth esa lowarth, hag ev ha'y dhyskyblon a entras ynno.

Yoshua 2:19

Piwpynag ello yn-mes a dharasow dha ji bys y'n stretys, y woes ev a vydh war y benn y honan, ha kwit vydhyn. Mes piwpynag a vo genes y'n chi, y woes ev a vydh war agan penn ni mars yw tewlys diwla warnodho.