1 Myghternedh 2:33 - An Bibel Kernewek 20234 (Kernewek Kemmyn)

³³ Dehweles a wra aga goes war benn Yoab, ha war benn y has bys vykken; mes dhe Davydh, ha dh'y has, ha dh'y ji, ha dh'y dron, y fydh kres bys vykken dhiworth an Arloedh.’

1 Myghternedh 2:33 ပူးပေါင်းရင်းမြစ်များ

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

2 Samuel 14:9

Ha'n Tekoyades a leveris dhe'n myghtern, ‘A arloedh ow myghtern, bedhes an kabel warnav, ha war ji ow thas; bedhes an myghtern ha'y dron ankablus.’

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

1 Kroniklys 17:27

Bedhes plegadow dhis lemmyn benniga chi dha was, may pessyo a-dheragos bys vykken; rag an pyth re vennigsys A Arloedh, yw benniges bys vykken.’

Salmow 101:8

Pub myttin my a dhistru oll tebeles an tir, ha treghi dhe-ves oll an dhrogoberoryon dhiworth sita an Arloedh.

Salmow 132:12

Mar kwra dha fleghes synsi ow hevambos, ha'm dustuniow a dhyskav dhedha, aga fleghes ynwedh bynitha a vydh esedhys war dha dron.’

Salmow 21:4

Ev a wovynnas bewnans orthis, ha ty a'n ros dhodho, dydhyow hir bys vykken ha bynnari.

Salmow 89:29

My a wra dh'y has durya bys vykken, ha'y se avel dydhyow nev.

Lavarow Koth 25:5

Yndella kemmer an debeles dhiworth lok an myghtern, ha'y dron a vydh fondys yn ewnhynseth.

Ezekiel 17:19

Rakhenna yndellma y lever an Arloedh Duw: Dell vewav, my a attal war y benn ow ti a dhispresyas, ha'm kevambos a dorras.

Niverow 32:23

Mes mar ny wrewgh yndellma, otta, hwi re beghas erbynn an Arloedh; ha bedhewgh sur, agas pegh a wra agas diskevra.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.