1 Myghternedh 2:32 - An Bibel Kernewek 20234 (Kernewek Kemmyn)

³² Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

1 Myghternedh 2:32 ပူးပေါင်းရင်းမြစ်များ

Jenesis 4:11

Ha lemmyn milliges osta dhiworth an dor re igoras y anow dhe dhegemmeres goes dha vroder dhiworth dha dhorn.

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Jenesis 9:6

Piwpynag a skoellyo goes den, gans den y fydh y woes ev skoellyes. Rag yn imaj Duw ev a wrug mab-den.

2 Samuel 1:16

Yn-medh Davydh dhodho, ‘Bedhes dha woes war dha benn dha honan; rag dha anow re dhustunias er dha bynn, ow leverel, “My re ladhas untys an Arloedh.” ’

2 Samuel 17:25

Lemmyn Absalom re settsa Amasa yn le Yoab war an lu. Amasa o mab gour henwys Yether an Yshmaelyas neb a alsa a-ji dhe Abigayl, myrgh Nahash myrgh Seruya mamm Yoab.

2 Samuel 3:29

Re goettho an goes war benn Yoab, ha war oll chi y das; ha bynner re bo chi Yoab heb unn den a'n jeves sygerans, po yw klavorek, po a boes war y lorgh, po a goedh der an kledha, po a fyll a vara.’

2 Samuel 3:37

Oll an bobel hag oll Ysrael a wodhya y'n jydh na nag o der arghadow an myghtern bos Abner mab Ner ledhys.

2 Samuel 3:39

Hedhyw my yw difredh, kynth ov untys myghtern; an wer ma, mebyon Seruya, yw re gales ragov. Re attallo an Arloedh dhe'n den neb a wra drog herwydh y sherewynsi!’

2 Samuel 4:11

Pygemmys moy ytho, pan ladhas tebeles gour gwiryon yn y ji y honan war y weli! A ny wrav vy rakhenna hwilas y woes a'gas leuv, ha'gas remova dhiworth an norvys?’

1 Myghternedh 2:44

Ynwedh an myghtern a leveris dhe Shimei, ‘Ty a woer y'th kolonn oll an drog a wrussys dhe Davydh ow thas; ytho an Arloedh a attal dha dhrog war dha benn dha honan.

1 Myghternedh 2:5

‘Kekeffrys ty a woer an pyth a wrug Yoab mab Seruya dhymm, ha'n pyth a wrug ev dhe'n dhew gapten a luyow Ysrael, dhe Abner mab Ner, ha dhe Amasa mab Yether; ev a's ladhas, ha skoellya an goes a vresel yn termyn kres, ow korra an goes a vresel war an grogys esa a-dro dh'y dhiwglun, ha war y eskisyow esa war y dhewdroes.

1 Myghternedh 8:32

ena, klew yn nev, ha gweythres, ha breus dha wesyon, ow tampnya an den kablus dre dhri y fara war y benn y honan ha previ ewn an den gwiryon orth y wobra herwydh y ewnder.

2 Kroniklys 21:13

mes ty re gerdhas yn fordhow myghternedh Ysrael, ha ledya Yuda ha trigoryon Yerusalem dhe wordhyans idolys, par dell wrug chi Ahab; hag ynwedh drefenn ty dhe ladha dha vreder, eseli chi dha das, an re o gwell agesos ty dha honan;

2 Kroniklys 21:14

otta, an Arloedh a dhre pla meur war dha bobel, dha vebyon, dha wragedh, ha war oll dha bythow,

Ester 1:19

Mara pleg dhe'n myghtern, des gorhemmynn ryel a-dhiworto, ha bedhes skrifys yn mysk laghys Persia ha Media na yll bos daskelwys, na dheffo Vashti namoy a-dherag myghtern Ahasuerus; ha res an myghtern hy studh ryel dhe nebonan a vo gwell agessi hi.

Salmow 7:16

Y dhregynn a dreyl war y benn y honan, ha'y arowder a dhiyskynn war y glopenn y honan.

Salmow 7:17

My a wormel an Arloedh herwydh y ewnder, ha kana gormola dhe hanow an Arloedh, an Ughella.

Ezekiel 17:19

Rakhenna yndellma y lever an Arloedh Duw: Dell vewav, my a attal war y benn ow ti a dhispresyas, ha'm kevambos a dorras.

Niverow 32:23

Mes mar ny wrewgh yndellma, otta, hwi re beghas erbynn an Arloedh; ha bedhewgh sur, agas pegh a wra agas diskevra.

Breusysi 9:24

Hemma a hwarva rag may fe diellys an drog re bia gwrys dhe'n deg mab ha tri-ugens a Yerubbaal ha may fe aga goes gorrys war aga broder Abimelek, neb a's ladhas, ha war arlydhi Shekem, neb a grevhas y dhiwdhorn rag ladha y vreder.

Breusysi 9:57

ha Duw a wrug may koedhas oll droktra tus Shekem war aga fenn, ha warnedha y teuth molleth Yotham mab Yerubbaal.

1 Samuel 15:28

Ha Samuel a leveris dhodho, ‘An Arloedh re skwardyas gwlaskor Ysrael dhiworthis y'n jydh hedhyw, ha'y ri dhe gentrevek ahanas, neb yw gwell agesos.