1 Myghternedh 2:29 - An Bibel Kernewek 20234 (Kernewek Kemmyn)

²⁹ Y feu leverys dhe vyghtern Solomon, ‘Yoab re fias dhe dylda an Arloedh, hag otta, yma ev ryb an alter.’ Ena Solomon a dhannvonas Benaya mab Yehoyada, ow leverel, ‘Ke, koedh warnodho.’

1 Myghternedh 2:29 ပူးပေါင်းရင်းမြစ်များ

2 Samuel 8:18

hag yth esa Benaya mab Yehoyada war an Kerethysi ha'n Pelethysi; ha mebyon Davydh o oferysi.

1 Myghternedh 2:25

Ytho myghtern Solomon a dhannvonas dre leuv Benaya mab Yehoyada; hag ev a goedhas warnodho may ferwis.

1 Myghternedh 2:30

Ytho Benaya a dheuth dhe dylda an Arloedh, ha leverel dhodho, ‘An myghtern re erghis, “Deus mes.” ’ Yn-medh ev, ‘Na dhov, mes my a verow omma.’ Ytho Benaya a dherivas hemma dhe'n myghtern, ‘Yndella yn-medh Yoab, hag yndella y hworthybis dhymm.’

1 Myghternedh 2:31

Yn-medh an myghtern dhodho, ‘Gwra dell leveris ev: koedh warnodho, ha'y ynkleudhyas. Yndella ty a gemmer dhiworthiv ha dhiworth chi ow thas kabel an goes gwiryon a wrug Yoab y skoellya.

1 Myghternedh 2:46

Ena an myghtern a worhemmynnis dhe Benaya mab Yehoyada; hag ev eth yn-mes, ha koedha warnodho, may ferwis. Yndella an vyghterneth a veu fastys yn leuv Solomon.

Eksodus 21:14

Mes den mar omsett der entent war dhen arall rag y ladha gans gil, ty a wra y gemmeres dhiworth ow alter may farwo.

Lavarow Koth 28:17

Den hag yw beghys gans skoellya goes neb den, re hwillo skovva y'n pytt; na res nagonan gweres dhodho.

Ezekiel 9:6

Ledhewgh henavek, den yowynk, ha gwyrghes, ha flogh, ha benynes; mes pub gour may ma an merk warnodho na dhewgh nes dhodho. Dallethewgh dhiworth ow sentri.’ Ytho i a dhallathas gans an henavogyon esa a-rag an chi.

1 Peder 4:17

Rag devedhys yw an termyn dhe dhalleth an vreus orth teylu Duw, ha mar talleth orthyn ni, pandr'a vydh gorfenn an re nag yw gostydh dhe aweyl Duw?