1 Myghternedh 2:26 - An Bibel Kernewek 20234 (Kernewek Kemmyn)

²⁶ Yn-medh an myghtern dhe Abiathar an oferyas, ‘Ke dhe Anathoth, dhe'th parkow dha honan, rag ty a dhervynn an mernans. Mes ny wrav vy dha ladha yn eur ma, rag ty a dhug argh an Arloedh Duw a-rag Davydh ow thas, ha drefenn ty dhe wodhav oll an keth ankenyow may hwodhevis ow thas ynna.’

1 Myghternedh 2:26 ပူးပေါင်းရင်းမြစ်များ

2 Samuel 12:5

Ena sorr Davydh a dhewis yn toemm erbynn an gour. Ev a leveris dhe Nathan, ‘Dell vew an Arloedh, an gour neb re wrug hemma a dhervynn an mernans;

1 Myghternedh 1:25

Rag ev yw gyllys yn-nans hedhyw, ha re ladhas oghen ha bualyon peskys ha deves pals, ha re elwis oll mebyon an myghtern, ha kaptenyon an lu, hag Abiathar an oferyas; hag, otta, i a dheber hag eva a-ragdho, ha leverel, “Re vewo myghtern Adoniya.”

1 Myghternedh 1:7

Ev a geskusulyas gans Yoab mab Seruya, ha gans Abiathar an oferyas: hag i a ros skoedhyans dhe Adoniya.

1 Myghternedh 2:35

An myghtern a worras Benaya mab Yehoyada yn y le dres an lu, ha'n myghtern a worras Sadok an oferyas yn le Abiathar.

Ysay 10:30

Kri yn ughel, myrgh Gallim! Goslow, Laysha! Gorthyp dhedhi, Anathoth!

Yeremia 1:1

Geryow Yeremia mab Hilkia, onan a'n oferysi esa yn Anathoth yn pow Benyamin,

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Luk 22:28

‘Hwi yw neb a besyas bos genev y'm prevyansow;

Galatianys 3:4

A wodhevsowgh kemmys yn euver – a pe yn euver devri?

Yoshua 21:18

Anathoth gans hy feurva, hag Almon gans hy feurva: peder sita.

1 Samuel 2:32

Hag ena ty a wel ahwer y'm trigva. Spit dhe oll an sewenyans a dheu dhe Ysrael, ny vydh nevra den koth y'th chi bys vykken.

1 Samuel 26:16

An dra ma re wrussys, nyns yw da. Dell vew an Arloedh, hwi a dhervynn an mernans, drefenn na withsowgh war agas arloedh, untys an Arloedh. Mir lemmyn, ple'ma guw an myghtern; po an seth-dowr esa orth y benn?’