1 Myghternedh 19:8 - An Bibel Kernewek 20234 (Kernewek Kemmyn)

⁸ Ev a sevis, ha dybri hag eva; ena ev eth yn nerth an boes na dew-ugens dydh ha dew-ugens nos dhe Horeb, menydh Duw.

1 Myghternedh 19:8 ပူးပေါင်းရင်းမြစ်များ

1 Myghternedh 17:6

An brini-bras a dhug bara ha kig dhodho myttinweyth, ha bara ha kig gorthugherweyth hag ev a evas dhiworth an gover.

1 Myghternedh 19:7

El an Arloedh a dheuth an eylweyth, y dochya, ha leverel, ‘Sav yn-bann ha dybri, poken dha vyaj a vydh re ragos.’

Eksodus 19:18

Ha menydh Sinay a veu maylys yn mog, drefenn an Arloedh dhe dhiyskynna warnodho yn tan; ha'n mog anodho a yskynnas avel mog an fornes, ha'n menydh oll a grenas yn feur.

Eksodus 24:18

Ha Moyses a entras a-ji dhe'n kommol hag yskynna war an menydh. Hag yth esa Moyses war an menydh dew-ugens dydh ha dew-ugens nos.

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Eksodus 34:28

Hag y feu ena gans an Arloedh dew-ugens dydh ha dew-ugens nos; ha ny dhybris bara nag eva dowr. Hag y skrifas war leghennow geryow an kevambos, an deg gorhemmynn.

Eksodus 4:27

Hag yn-medh an Arloedh dhe Aron, ‘Ke dhe vetya gans Moyses y'n gwylvos’; hag yth eth ha metya ganso war venydh Duw hag amma dhodho,

Daniel 1:15

Orth diwedh deg dydhweyth y hwelys bos gwell aga semlans ha tewa aga hig ages oll an vebyon neb a dhybri boes an myghtern.

Matthew 4:2

Ha pan wrussa penys dew-ugens dydh ha dew-ugens nos, a-wosa ev a borthas nown.

Mark 1:13

Hag yth esa y'n gwylvos dew-ugens dydh temptys gans Satnas, hag yth esa gans an bestes gwyls, ha'n eledh a venystra dhodho.

Luk 4:2

dew-ugens dydh, temptys gans an jowl. Ha ny dhybris travyth y'n dydhyow na, ha wosa i dhe worfenna, nown a'n jeva.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.