1 Myghternedh 19:5 - An Bibel Kernewek 20234 (Kernewek Kemmyn)

⁵ Ena ev a wrowedhas yn-dann an vanadhel ha koska. Distowgh el a'n tochyas ha leverel dhodho, ‘Sav yn-bann ha dybri.’

1 Myghternedh 19:5 ပူးပေါင်းရင်းမြစ်များ

1 Myghternedh 19:4

Mes ev y honan eth y'n gwylvos, vyaj unn jydh, ha dos hag esedha yn-dann brenn banadhel. Ev a bysis may farwa: ‘Lowr yw; lemmyn, A Arloedh, kemmer ow bewnans, rag nyns ov gwell ages ow thasow.’

1 Myghternedh 19:6

Ev a viras, hag ena orth y benn yth esa tesenn pebys war veyn poeth, ha seth a dhowr. Ev a evas ha dybri, ha growedha arta.

Salmow 34:10

An lewyon yowynk yw yn esow hag i a berth nown, mes ny fyll travyth dha dhe'n re a hwila an Arloedh.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Daniel 8:19

Yn-medh ev, ‘Otta, my a dheriv dhis an pyth a hwyrvydh troha diwedh termyn an sorr, rag an welesigeth yw a-dro dhe brys ordenys an diwedh.

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Zekaria 4:1

Ena an el esa ow kewsel orthiv a dhehwelis hag a wrug dhymm difuna, avel den yw difunys dhiworth y gosk.

Oberow 12:7

Hag otta, el an Arloedh a sevis ogas dhodho, ha golow a splannas y'n vagh; hag ow kweskel tenewen Peder ev a'n drehevis yn-bann, ow leverel, ‘Sav yn-bann, fisten.’ Ha'n chaynys a goedhas dhiworth y dhiwla.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’