1 Myghternedh 19:19 - An Bibel Kernewek 20234 (Kernewek Kemmyn)

¹⁹ Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

1 Myghternedh 19:19 ပူးပေါင်းရင်းမြစ်များ

1 Myghternedh 19:13

Pan y'n klewas Elias, ev a vaylyas y fas yn y vantell ha mos ha sevel yn entrans an vogow. Ena y teuth lev dhodho a leveris, ‘Pandr'a wredh omma Elias?’

1 Myghternedh 19:16

hag ynwedh untya Yehu mab Nimshi avel myghtern war Ysrael, hag untya Elisha mab Shafat a Abel-mehola avel profoes yn dha le.

2 Myghternedh 2:8

Elias a gemmeras y vantell hag ev a's rolyas ha frappya an dowrow gensi. An dowr a veu diberthys dhe'n eyl tenewen ha dh'y gila mayth eth an dhew a-dreus war dir sygh.

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Amos 7:14

Ena Amos a worthybis dhe Amasia, ‘Nyns ov profoes, na mab a brofoes, mes bugel ov, ha dyghtyer frut sykaminwydh,

Amos 7:15

ha'n Arloedh a'm kemmeras dhiworth holya an flokk, ha'n Arloedh a leveris dhymm: “Ke, gwra profoesa dhe'm pobel Ysrael.”

Zekaria 13:5

Ev a lever, ‘Nyns ov vy profoes, tiek ov vy; rag den a'm prenas dhiworth ow yowynkneth.’

Ebrowyon 11:37

Labydhys vons, heskennys vons yn dew, ledhys vons dre gledha; i a gerdhi yn kreghyn deves ha gever, edhommek, duwenhes, tebeldhyghtys

Breusysi 6:11

Lemmyn el an Arloedh a dheuth hag esedha yn-dann an derebinthenn yn Ofra, o dhe Yoash, an Abiezryas. Pan esa y vab Gideon ow trushya gwaneth y'n winwask, rag y gudha a'n Midyanysi,

1 Samuel 11:5

Lemmyn yth esa Sowl ow tos a-dhiworth an gwel a-dryv an chatel; ha Sowl a leveris, ‘Pandr'a hwer dhe'n bobel? Prag yth esons i owth oela?’ Ytho i a dherivas dhodho geryow gwer Yabesh.

1 Samuel 28:14

Yn-medh ev dhedhi, ‘Pyth yw y semlans?’ Hi a worthybis, ‘Yma gour koth ow tos yn-bann; ev yw maylys yn mantell.’ Yndella Sowl a wodhya y vos Samuel, hag ev a goedhas dhe'n dor gans y fas dhe'n leur, hag omblegya.