1 Myghternedh 19:14 - An Bibel Kernewek 20234 (Kernewek Kemmyn)

¹⁴ Ev a worthybis, ‘My re beu pur dhiwysyk rag an Arloedh, Duw an luyow; rag an Ysraelysi re eskasas dha gevambos, terri dha alteryow, ha ladha dha brofoesi gans an kledha. Nyns eus nagonan gesys marnas my, hag ymons ow hwilas ow bewnans, dh'y gemmeres dhe-ves.’

1 Myghternedh 19:14 ပူးပေါင်းရင်းမြစ်များ

1 Myghternedh 18:22

Ena Elias a leveris dhe'n bobel, ‘My, my ow honan, yw gesys profoes an Arloedh; mes profoesi Baal yw peswar kans ha hanter-kans.

1 Myghternedh 18:30

Ena Elias a leveris dhe oll an bobel, ‘Dewgh nes dhymm,’ hag oll an bobel a dheuth nes dhodho. Ev a ewnhas alter an Arloedh re bia tewlys dhe'n dor;

Salmow 78:37

Rag nyns o aga holonn fast ganso, ha nyns ens i len yn y gevambos.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Yeremia 22:9

Ena i a worthyp, Drefenn i dhe asa kevambos an Arloedh aga Duw ha gordhya duwow erell, ha'ga servya.

Daniel 11:30

Rag y hwra gorholyon Kittim dones er y bynn, hag own a'n jevydh hag omdenna. Ena ev a dhyllo y sorr erbynn an kevambos sans. Ev a dhehwel ha ri enor dhe'n re neb a as an kevambos sans.

Daniel 3:18

Mes hwath mar ny vynn gul yndella, bedhes godhvedhys dhis, A vyghtern, na servyn dha dhuwow, na gul gologhas dhe'n delow owrek a wrussys y dhrehevel.’

Hosea 6:7

Mes i re dorras an kevambos avel Adam: ena i re'm traytas.

Romanyon 11:3

‘A Arloedh, dha brofoesi a ladhsons, dha alteryow re dhistrusons ha my a veu gesys ow honan hag i a hwila ow bewnans.’

Dewteronomi 29:25

Hag y leverons, ‘Drefenn i dhe asa kevambos an Arloedh Duw a'ga thasow, a wrug gansa pan y's dros mes a bow Ejyp.

Dewteronomi 31:20

Rag wosa my dh'aga dri dhe'n tir a des dh'aga thasow, a dhinwa leth ha mel, hag i a dheber ha bos gwalghys, ha tew, ena i a dreyl dhe dhuwow erell ha'ga servya; i a'm dispres, ha terri ow hevambos.

Ebrowyon 8:9

dihaval dhe'n kevambos a wrug gans aga thasow y'n jydh ma's kemmeris er an dhorn ha'ga hembronk yn-mes a bow Ejyp; rag ny drigsons y'm kevambos hag yndella ny wrug vri anedha, yn-medh an Arloedh.