1 Myghternedh 19:12 - An Bibel Kernewek 20234 (Kernewek Kemmyn)

¹² ha wosa an dorgrys tan, mes nyns esa an Arloedh y'n tan; ha wosa an tan son taw pur.

1 Myghternedh 19:12 ပူးပေါင်းရင်းမြစ်များ

Jenesis 15:17

Hag y hwarva, pan sedhis an howl hag yth o tewl, awotta, forn ow megi ha faglenn ow leski a dremenas ynter an rannow na.

1 Myghternedh 18:38

Ena tan an Arloedh a dhiyskynnas ha kowlleski an offrynn leskys, an prenn, an meyn, ha'n doust, ha hwath a lapyas an dowr esa y'n ganel.

2 Myghternedh 1:10

Elias a worthybis dhe'n kapten, ‘Mars ov gour Duw, des tan dhiworth an nev ha dha gonsumya, ty ha'th hanter-kans den.’ Ena tan a goedhas dhiworth an nev ha'y gonsumya, ev ha'y dus.

2 Myghternedh 2:11

Hag y hwarva, hag i ow mos yn-rag ha kewsel, otta, charett a dan ha mergh a dan a's dibarthas an eyl dhiworth y gila, hag Elias eth yn-bann gans korwyns a-berth y'n nev.

Job 33:7

Ny dal own ahanav dha euthega; ny wrowedh ow leuv yn poes warnas.

Job 4:16

An spyrys a sevis stag, mes ny yllyn dissernya y semlans. Yth esa furv a-dherag ow dewlagas; yth esa taw, ena my a glewas lev:

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Oberow 2:2

hag a-dhesempis y teuth mes a nev tros kepar ha gwyns nerthek ha hwyflyn, hag ev a lenwis oll an chi mayth ens esedhys,

Dewteronomi 4:15

Kemmerewgh with ytho a'th enevow, drefenn na welsowgh furv vyth y'n jydh may kewsis an Arloedh dhywgh orth Horeb yn-mes a gres an tan,

Dewteronomi 4:33

A glewas pobel bythkweth lev Duw ow kewsel yn-mes a gres an tan, kepar dell re glewsys jy, ha bewa?

Ebrowyon 12:29

rag agan Duw yw tan a gowllesk.