1 Myghternedh 19:11 - An Bibel Kernewek 20234 (Kernewek Kemmyn)

¹¹ Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

1 Myghternedh 19:11 ပူးပေါင်းရင်းမြစ်များ

Job 38:1

Ena an Arloedh a worthybis dhe Job dhiworth an korwyns:

Salmow 50:3

Agan Duw a dheu, heb tewel, tan a dheber a-dheragdho, hag annawel veur a vydh a-dro dhodho.

Salmow 68:8

an nor a grenas, an nevow ynwedh a dheveras a-dherag Duw; ha Sinay y honan a dhegrenas a-dherag Duw, Duw Ysrael.

Salmow 68:9

Ty, A Dhuw, a wrug glaw hel dhe goedha; ty a gennerthas dha ertach pan o skwith.

Eksodus 19:16

Dhe vyttin an tressa dydh yth esa taran ha lughes, ha kommolenn dew war an menydh, ha son pur ughel an hirgorn may krenas oll an bobel esa y'n kamp.

Eksodus 19:20

Ha'n Arloedh a dhiyskynnas war venydh Sinay, dhe benn an menydh; ha'n Arloedh a elwis Moyses dhe benn an menydh ha Moyses a yskynnas.

Eksodus 20:18

Lemmyn pan glewas oll an bobel an tarenna ha'n lughes ha son an hirgorn ha'n menydh ow tyllo mog, an bobel a's teva own hag a grenas; hag i a sevis a-bell,

Eksodus 24:12

An Arloedh a leveris dhe Moyses, ‘Yskynn dhymm war an menydh, ha gortos ena, ha my a re dhis an leghennow a ven, gans an lagha ha'n gorhemmynn, re skrifis dh'aga dyskans.’

Eksodus 24:18

Ha Moyses a entras a-ji dhe'n kommol hag yskynna war an menydh. Hag yth esa Moyses war an menydh dew-ugens dydh ha dew-ugens nos.

Eksodus 34:2

Bydh parys myttinweyth hag yskynn y'n myttin dhe venydh Sinay, ha sav ragov ena war benn an menydh.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ezekiel 1:4

My a viras, hag otta annawel ow tos dhiworth an gogledh, kommolenn vras, ha tan ow lughesi gans golow splann a-dro dhedhi, hag ow tos yn-mes anedhi neppyth kepar hag amber, dhiworth kres an tan.

Ezekiel 37:7

Ytho my a brofoesas, kepar dell veu erghys dhymm. Ena y feu tros, ha my ow profoesa, hag otta son rugla, ha'n eskern a dheuth war-barth, an eyl askorn dh'y gila.

Nahum 1:3

An Arloedh yw lent ow serri, ha meur y nerth, ha'n Arloedh ny gas mann an debeles heb kessydhyans. Yma y fordh y'n korwyns hag y'n annawel, ha'n kommol yw doust y dreys.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Matthew 28:2

hag otta, yth esa dorgrys meur; rag el an Arloedh, diyskynnys a nev, a dheuth, hag ev a rolyas dhe-ves an men hag esedha warnodho.

Ebrowyon 12:26

Ena y lev a wrug dhe'n dor krena; mes lemmyn ev re ambosas, ow leverel, ‘Unnweyth moy ny wrav unnsel an nor dhe dhegrena mes an nev ynwedh.’

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

Diskwedhyans 16:18

Hag yth esa lughesennow ha sonyow ha taranow hag yth esa dorgrys bras a sort na hwarva a-ban veu tus war an nor, mar vras veu an dorgrys.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

1 Samuel 14:15

Yth esa kren y'n lu, y'n gwel, hag yn mysk oll an bobel; an savla-goelyadoryon, bagas an ravnoryon a grenas ynwedh, ha'n dor a grysyas; hag y teuth ha bos skruth pur vras.