1 Myghternedh 18:7 - An Bibel Kernewek 20234 (Kernewek Kemmyn)

⁷ Pan esa Obadia war an fordh, Elias a dheuth er y bynn; Obadia a'n aswonnis, koedha war y fas, ha leverel, ‘Yw ty, ow arloedh Elias?’

1 Myghternedh 18:7 ပူးပေါင်းရင်းမြစ်များ

Jenesis 18:12

Ytho Sara a hwarthas ynni hi hy honan, ow leverel, ‘Wosa my dhe vos gwedhrys, a vydh plesour dhymm, ha'm arloedh koth ynwedh?’

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

Jenesis 44:16

Yn-medh Yuda, ‘Pandr'a leveryn dhe'm arloedh? Pandr'a yllyn kewsel? Fatell yllyn ombrevi ankablus? Duw re dhiskudhas kammweyth dha wesyon. Ottani, kethyon dhe'm arloedh, ni hag ev ynwedh may feu an hanaf kevys yn y dhorn.’

Jenesis 44:20

Ha ni a leveris dhe'm arloedh, “Yma genen tas, den koth, ha flogh y gothni, yowynk; marow yw y vroder, ha nyns eus gesys dh'y vamm saw unnsel ev, ha'y das a'n kar.”

Jenesis 44:33

Ytho, re worto dha was lemmyn, my a'th pys, yn keth dhe'm arloedh; ha gas an maw dhe vos yn-bann gans y vreder.

Jenesis 50:18

Ha'y vreder ynwedh a dheuth ha koedha a-dheragdho, ha leverel, ‘Ottani, dha wesyon.’

2 Samuel 19:18

Yth esa kowbal ow treusi dhe dhoen mayni an myghtern dres an avon, ha gul y blesour. Pan dremenas Shimei mab Gera dres an Yordan, ev a goedhas dhe'n dor a-dherag an myghtern

1 Myghternedh 11:29

A-dro dhe'n termyn na, pan esa Yeroboam ow mos yn-mes a Yerusalem, an profoes Ahiya a Shilo a'n kavas war an fordh. Ahiya re omwisksa yn mantell nowydh. Yth esa aga dew aga honan yn pow igor.

1 Myghternedh 18:6

Ytho i a rannas an tir yntredha rag tremena dredho: Ahab eth yn unn fordh y honan, hag Obadia eth yn ken fordh y honan.

1 Myghternedh 18:8

Ev a worthybis dhodho, ‘Yth yw my. Ke, lavar dhe'th arloedh bos Elias omma.’

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Niverow 12:11

Hag Aron a leveris dhe Moyses, ‘Ogh, ow arloedh, na wra agan kessydhya drefenn ni dhe wul yn foll ha pegha.

Matthew 11:8

Mes pandra ethewgh yn-mes dh'y weles? Den gwiskys yn dillas medhel? Otta, tus gwiskys yn dillas medhel, yn chiow myghternedh ymons.

Matthew 3:4

Ha dhe Yowann yth esa gwisk gwrys a vlew kowrvargh gans grogys a groghen a-dro dh'y dhiwglun, ha'y voes o lokustes ha mel gwyls.

1 Samuel 20:41

Ha kettell veu an maw gyllys, Davydh a sevis yn-bann dhiworth tenewen an krug a veyn, ha koedha war y fas dhe'n leur. Ev a blegyas dhe'n dor teyrgweyth, hag i a ammas an eyl dh'y gila, hag i a oelas an eyl gans y gila; mes Davydh a oelas moy.