1 Myghternedh 18:42 - An Bibel Kernewek 20234 (Kernewek Kemmyn)

⁴² Ytho Ahab eth yn-bann dhe dhybri hag eva. Elias eth yn-bann dhe benn Karmel; ena ev a omblegyas war an dor ha gorra y fas ynter y dhewlin.

1 Myghternedh 18:42 ပူးပေါင်းရင်းမြစ်များ

Jenesis 24:52

Pan glewas servont Abraham aga lavarow, ev a omblegyas troha'n leur dherag an Arloedh.

2 Samuel 12:16

Ytho Davydh a bysis war Dhuw rag an mab; Davydh a benysas, ha mones a-ji ha growedha dres nos war an dor.

1 Myghternedh 18:41

Elias a leveris dhe Ahab, ‘Ke yn-bann, deber hag yv; rag yma son glaw pals.’

1 Myghternedh 18:43

Ev a leveris dh'y was, ‘Ke yn-bann lemmyn, mir war-tu ha'n mor.’ Ev a yskynnas ha mires, ha leverel, ‘Nyns eus travyth.’ Ena ev a leveris, ‘Ke arta seyth gweyth.’

1 Myghternedh 19:13

Pan y'n klewas Elias, ev a vaylyas y fas yn y vantell ha mos ha sevel yn entrans an vogow. Ena y teuth lev dhodho a leveris, ‘Pandr'a wredh omma Elias?’

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Job 37:11

Ev a garg an kommol a lybor; an kommol a skatter y lughes.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Ysay 38:2

Ena Hezekia a dreylyas y fas dhe'n fos ha pysi war an Arloedh,

Ysay 6:2

Yth esa serafyn ow sevel a-ughto, hwegh askell dhe bubonan anedha: gans diw ev a gudha y fas, ha gans diw ev a gudha y dreys, ha gans diw ev a nija.

Yeremia 46:18

Dell vewav, yn-medh an Myghtern, ha'y hanow Arloedh an luyow, nebonan a dheu kepar ha Tabor y'n menydhyow, ha kepar ha Karmel ryb an mor.

Daniel 9:3

Ena my a dreylyas ow thremmynn troha'n Arloedh Duw, orth y hwilas dre bysadow ha der aspysadow, gans penys, ha gans yskar ha lusu.

Daniel 9:7

‘Dhiso jy, A Arloedh, yma ewnder, mes dhyn ni yma meth a'n fas, dell eus y'n jydh hedhyw, dhe dus Yuda, dhe annedhysi Yerusalem, ha dhe Ysrael oll, an re ogas ha'n re bell, yn keniver pow may mons fesys genes, drefenn an trayson re wrussons er dha bynn.

Matthew 14:23

Ha wosa dannvon an routhow dhe-ves, ev eth yn-bann dhe'n menydh rag pysi yn priva. Ha pan o devedhys an gorthugher, yth esa ev ena, y honan.

Mark 14:35

Hag ev eth nebes war-rag hag a goedhas war an dor ha pysi, mar kalla bos yndella may tremenna an eur a-dhiworto;

Luk 6:12

Hag y'n dydhyow na, ev eth yn-kerdh dhe'n menydh dhe bysi, hag ev a spenas an nos yn pysadow dhe Dhuw.

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Yoshua 7:6

Yoshua a skwardyas y vantell ha koedha dhe'n dor war y fas a-dherag argh Arloedh bys y'n gorthugher, ev ha henavogyon Ysrael; i a dewlis doust war aga fenn.

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.