1 Myghternedh 18:38 - An Bibel Kernewek 20234 (Kernewek Kemmyn)

³⁸ Ena tan an Arloedh a dhiyskynnas ha kowlleski an offrynn leskys, an prenn, an meyn, ha'n doust, ha hwath a lapyas an dowr esa y'n ganel.

1 Myghternedh 18:38 ပူးပေါင်းရင်းမြစ်များ

Jenesis 15:17

Hag y hwarva, pan sedhis an howl hag yth o tewl, awotta, forn ow megi ha faglenn ow leski a dremenas ynter an rannow na.

1 Myghternedh 18:24

Ena gelwewgh war hanow agas duw ha my a elow war hanow an Arloedh; an duw neb a worthyp dre dan, ev yw Duw.’ Oll an bobel a worthybis, ‘Kewsys yn ta yw!’

1 Myghternedh 18:35

may resas an dowr oll a-dro dhe'n alter, ha lenwel an ganel ynwedh gans dowr.

1 Myghternedh 18:37

Gorthyp dhymm, A Arloedh, gorthyp dhymm, mayth aswonno an bobel ty, A Arloedh, dhe vos Duw, ha ty dhe dreylya aga holonn arta war dhe lergh.’

2 Myghternedh 1:12

Elias a worthybis, ‘Mars ov gour Duw, des tan dhiworth an nev ha dha gonsumya, ty ha'th hanter-kans den.’ Ena tan Duw a goedhas dhiworth an nev

1 Kroniklys 21:26

Davydh a dhrehevis alter ena dhe'n Arloedh ha sakrifia offrynnow leskys hag offrynnow kres. Ev a elwis war an Arloedh, hag ev a'n gorthybis dre dan a nev war alter an offrynn leskys.

2 Kroniklys 7:1

Pan worfennas Solomon y bysadow, tan a dhiyskynnas a nev hag a loskas an offrynn leskys ha'n sakrifisow; ha glori an Arloedh a lenwis an tempel.

Job 1:16

Pan esa ev hwath ow kewsel, y teuth onan moy ha leverel, ‘Tan Duw a goedhas dhiworth an nev hag a loskas an deves ha'n servysi, ha'ga howlleski, ha my ow honan re dhienkas rag leverel dhis.’

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Levitikus 10:1

Ena Nadab hag Abihu, mebyon Aron, a gemmeras, pubonan, y ynkyslester ha gorra tan ynno ha settya ynkys warnodho hag offrynna tan astranj dherag an Arloedh, na wrug ev erghi dhedha.

Levitikus 10:2

Ha tan eth yn-mes dhiworth an Arloedh ha'ga howlleski, hag i a verwis dherag an Arloedh.

Levitikus 9:24

Ha tan a dheuth yn-mes dhiworth an Arloedh ha kowlleski an offrynn leskys ha'n blonek war an alter. Pan y'n gwelas oll an bobel, i a armas yn lowen ha koedha war aga fasow.

Diskwedhyans 13:13

Hag ev a wra toknys bras may hwra dhe dan diyskynna dhiworth nev dhe'n dor a-dherag tus.

Breusysi 6:21

Ena el an Arloedh a ystynnas bleyn an lorgh esa yn y dhorn hag a dochyas an kig ha'n tesennow heb burm ha tan eth yn-bann a'n garrek hag a loskas an kig ha'n tesennow heb burm; hag el an Arloedh eth yn-mes a'y wolok.