1 Myghternedh 18:36 - An Bibel Kernewek 20234 (Kernewek Kemmyn)

³⁶ Pan dheuth termyn offrynn an greun, an profoes Elias a dheuth nes ha leverel, ‘A Arloedh, Duw Abraham, Ysak, hag Ysrael, bedhes godhvedhys an jydh ma dha vos Duw yn Ysrael, hag ow bos dha was, ha my dhe wul oll an taklow ma orth dha arghadow.

1 Myghternedh 18:36 ပူးပေါင်းရင်းမြစ်များ

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 31:53

Re bo Duw Abraham ha Duw Nahor, Duw aga thas, breus yntredhon’; ha Yakob a dos re Own y das Ysak.

Jenesis 32:9

Hag yn-medh Yakob, ‘A Dhuw ow thas Abraham, ha Duw ow thas Ysak, an Arloedh, neb a leveris dhymm, “Dehwel dhe'th wlas ha dhe'th kerens ha my a vynn dha dhyghtya yn ta”:

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

2 Samuel 7:26

may fo dha hanow meurhes bys vykken y'n henlavar, “Arloedh an luyow yw Duw war Ysrael”; ha chi dha was Davydh a vydh fastys dheragos.

1 Myghternedh 18:21

Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

1 Myghternedh 18:29

Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

1 Myghternedh 18:35

may resas an dowr oll a-dro dhe'n alter, ha lenwel an ganel ynwedh gans dowr.

1 Myghternedh 18:37

Gorthyp dhymm, A Arloedh, gorthyp dhymm, mayth aswonno an bobel ty, A Arloedh, dhe vos Duw, ha ty dhe dreylya aga holonn arta war dhe lergh.’

1 Myghternedh 20:13

Ena y teuth neb unn profoes dhe vyghtern Ahab a Ysrael ha leverel, ‘Yndellma y lever an Arloedh, A welsys oll an routh veur ma? Mir, my a's re y'th leuv hedhyw; ha ty a wodhvydh ow bos an Arloedh.’

1 Myghternedh 20:28

Gour Duw a dheuth ha leverel dhe vyghtern Ysrael, ‘Yndellma y lever an Arloedh: Drefenn Aram dhe leverel, “An Arloedh yw Duw an menydhyow mes nyns yw Duw an nansow”, ytho my a re oll an routh veur ma y'th leuv, ha hwi a wodhvydh ow bos an Arloedh.’

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

1 Myghternedh 8:43

ena klew yn nev dha drigva, ha gwra herwydh pup-tra a elow an estren warnas, may hwodhvo oll poblow an bys dha hanow ha perthi own ahanas, par dell wra dha bobel Ysrael, ha may hwodhvons bos gelwys dha hanow war an chi ma re dhrehevis vy.

2 Myghternedh 1:10

Elias a worthybis dhe'n kapten, ‘Mars ov gour Duw, des tan dhiworth an nev ha dha gonsumya, ty ha'th hanter-kans den.’ Ena tan a goedhas dhiworth an nev ha'y gonsumya, ev ha'y dus.

2 Myghternedh 1:3

Mes el an Arloedh a leveris dhe Elias an Tishbeyas, ‘Sav, yskynn dhe vetya orth kannasow myghtern Samaria ha govynn orta, “Yw drefenn nag eus Duw yn Ysrael mayth ewgh dhe wovynn orth Baal-zebub, duw Ekron?”

2 Myghternedh 1:6

‘Den a dheuth dhe vetya orthyn’, a worthybsons, ‘hag ev a leveris dhyn, “Dehwelewgh dhe'n myghtern a'gas dannvonas ha leverewgh dhodho: Yndellma y lever an Arloedh: Yw drefenn nag eus Duw yn Ysrael may tannvonydh kannasow dhe wovynn orth Baal-zebub, duw Ekron? Rakhenna ny wredh diyskynna dhiworth an gweli res ythys dhodho. Merwel a wredh, yn sur.” ’

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

2 Myghternedh 20:11

An profoes Ysay a grias dhe'n Arloedh; hag ev a dhros an skeus war-dhelergh an deg kamm, war an grisyow re dhiyskynnsa an howl yn-nans, war risyow Ahaz.

2 Myghternedh 5:15

Ena ev a dhehwelis dhe wour Duw, ev hag oll y gowethas, ha dos ha sevel a-ragdho ha leverel, ‘Lemmyn my a woer nag eus Duw yn oll an norvys, marnas yn Ysrael. Lemmyn kemmer, my a'th pys, ro dhiworth dha was.’

2 Myghternedh 5:8

Pan glewas Elisha, gour Duw, myghtern Ysrael dhe skwardya y dhillas, ev a dhannvonas messaj dhe'n myghtern ow leverel, ‘Prag y skwardsys dha dhillas? Des lemmyn dhymm hag ev a wra godhvos bos profoes yn Ysrael.’

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

2 Kroniklys 30:6

Yndella poenyoryon eth der oll Ysrael ha Yuda gans lytherow dhiworth an myghtern ha'y soedhogyon war-lergh gorhemmynn an myghtern ow leverel, ‘A vebyon Ysrael, dehwelewgh dhe'n Arloedh, Duw Abraham, Ysak, hag Ysrael, rag may treyllyo arta dhe'n re ahanowgh a dhienkas dhiworth leuv myghternedh Assyria.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 83:18

Ena i a wodhvydh ty dha honan neb yw dha hanow an Arloedh dhe vos an Ughella dres oll an nor.

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Eksodus 4:5

‘may kryssons an Arloedh Duw aga thasow, Duw Abraham, Duw Ysak, ha Duw Yakob dhe omdhiskwedhes dhis.’

Ysay 37:20

Lemmyn, A Arloedh agan Duw, saw ni yn-mes a'y leuv, may hwodhvo oll gwlaskordhow an norvys, ty dha honan dhe vos an Arloedh.’

Ezekiel 36:23

My a sansha ow hanow meur, re beu disakrys yn mysk an kenedhlow, hag a wrussowgh y disakra yn aga mysk. Ena an kenedhlow a woer my dhe vos an Arloedh, yn-medh an Arloedh Duw, pan vydhav sanshes dredhowgh a-rag aga dewlagas.

Ezekiel 39:7

My a wra dhe'm hanow sans bos aswonnys yn mysk ow fobel Ysrael; ha ny asav ow hanow sans dhe vos defolys na fella; ha'n kenedhlow a woer my dhe vos an Arloedh, an Sans yn Ysrael.

Daniel 12:11

A-dhia'n prys may fydh kemmerys dhe-ves an offrynn pub-dydhyek, bys yn devedhyans pyth kasadow an difeythter, y fydh dewdhek kans deg dydh ha peswar-ugens.

Daniel 8:13

Ha my a glewas unn sans ow kewsel; ha sans arall a leveris dhodho ev neb a gewsi, ‘Dre bes termyn y fydh an welesigeth a-dro dhe'n offrynn pub-dydhyek, ha'n treuspass a dhifeythyans, hag omrians an tyller sans ha'n lu dhe vos stankys yn-dann dreys?’

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Matthew 22:32

“My yw Duw Abraham ha Duw Ysak ha Duw Yakob”? Nyns yw ev Duw an re varow saw a'n re vew.’

Yowann 11:42

Ha my a wodhva, ty dhe'm klewes pup-prys, mes drefenn an routh a sev a-dro my a'n leveris, rag may kryssens ty dhe'm dannvon.’

Oberow 10:30

Hag yn-medh Kornelius, ‘Nans yw peswar dydh, dhe'n keth eur ma, dhe'n nawves eur yth esen ow pysi y'm chi, hag otta, gour a sevis a-dheragov, splann y dhillas,

Oberow 3:1

Lemmyn yth esa Peder ha Yowann ow mos yn-bann dhe'n tempel dhe'n eur a bysadow, an nawves eur.

Efesianys 1:17

may rollo an Duw a'gan Arloedh Yesu Krist, an Tas a wolewder, spyrys furneth ha diskwedhyans y'n aswonnvos anodho,

Efesianys 3:14

Ytho, my a bleg an dhewlin a-dherag an Tas,