1 Myghternedh 18:3 - An Bibel Kernewek 20234 (Kernewek Kemmyn)

³ Ahab a elwis Obadia, governour y ji. Yth esa Obadia owt perthi own a'n Arloedh yn feur;

1 Myghternedh 18:3 ပူးပေါင်းရင်းမြစ်များ

Jenesis 22:12

Hag yn-medh ev, ‘Na ystynn dha dhorn war an maw, na gul travyth dhodho, rag lemmyn my a woer ty dhe berthi own a Dhuw, a-ban na wruss'ta skonya a ri dhymm dha vab, dha unn vab.’

Jenesis 24:10

Ha'n servont a gemmeras deg kowrvargh mes a gowrvergh y arloedh, ha mos yn-kerdh, gans oll an taklow da a'y arloedh yn y leuv. Ev a sevis ha mos dhe Aram Naharaym bys yn sita Nahor.

Jenesis 24:2

Hag yn-medh Abraham dh'y servont, an kottha a'y vayni esa ow rewlya war bup-tra esa dhodho, ‘Gorr dha leuv yn-dann ow mordhos, my a'th pys,

Jenesis 39:9

Nyns eus denvyth brassa agesov vy y'n chi ma. Ny wrug ev gwitha travyth dhiworthiv marnas ty, drefenn ty dhe vos y wreg. Fatell wrav vy an drogober bras ma, ha pegha erbynn Duw?’

Jenesis 41:40

Ty a vydh apoyntys war ow chi, hag oll ow fobel a vydh gostydh dhe'th worhemmynn. Y'n tron yn unnsel, my a vydh brassa agesos jy.’

Jenesis 42:18

Y'n tressa dydh yn-medh Yosep dhedha, ‘Gwrewgh hemma ha hwi a vew; rag my a berth own a Dhuw.

1 Myghternedh 16:9

Y was Zimri, kaslewydh hanter y jarettow, a vrasas er y bynn. Pan esa yn Tirsa, ev a evas ha bos medhow yn chi Arsa, rennyas y ji yn Tirsa,

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

1 Myghternedh 18:2

Ytho Elias eth hag omdhiskwedhes dhe Ahab. An divoetter o sevur yn Samaria.

2 Myghternedh 4:1

Unn venyn yn mysk gwragedh mebyon an brofoesi a grias dhe Elisha ow leverel ‘Marow yw dha was, ow gour, ha ty a woer dha was dhe berthi own a'n Arloedh. Lemmyn kresysor re dheuth rag kemmeres ow dew vab rag bos y gethyon.’

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Nehemia 7:2

My a ros charj war Yerusalem dhe'm broder Hanani, ha dhe Hanania rewler an palys, rag ev o gour lel hag ev a berthi own a Dhuw moy es dell wra lies arall.

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Salmow 112:1

Gormelewgh an Arloedh. Gwynnvys an gour a berth own a'n Arloedh, a lowenha yn feur yn y worhemmynnow.

Lavarow Koth 14:26

Yn own an Arloedh y kevir fydhyans krev, ha'y fleghes a's tevydh skovva.

Malaki 3:16

Ena an re a berthi own a'n Arloedh a geskewsi an eyl gans y gila, ha'n Arloedh a woslowas ha klewes. Lyver kovadh a veu skrifys a-ragdho a-dro dhe'n re a berthi own a Arloedh ha prederi a'y Hanow.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Matthew 25:17

Yn kettella y hwrug gwas an dhew dalent prow a dhew moy.

Oberow 10:2

gour kryjyk, neb a'n jeva own a Dhuw gans y vayni oll, ow ri alusenow yn hel dhe'n bobel ha prest ow pysi war Dhuw.

Oberow 10:35

mes yn pub kenedhel neb a'n jeves own anodho ha gul ewnder yw plegadow dhodho.