1 Myghternedh 18:29 - An Bibel Kernewek 20234 (Kernewek Kemmyn)

²⁹ Pan dremenas hanter-dydh, i a vuskegis bys yn termyn offrynn an greun, mes nyns esa lev, na gorthyp, na nyns esa nagonan ow koslowes.

1 Myghternedh 18:29 ပူးပေါင်းရင်းမြစ်များ

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:36

Pan dheuth termyn offrynn an greun, an profoes Elias a dheuth nes ha leverel, ‘A Arloedh, Duw Abraham, Ysak, hag Ysrael, bedhes godhvedhys an jydh ma dha vos Duw yn Ysrael, hag ow bos dha was, ha my dhe wul oll an taklow ma orth dha arghadow.

1 Myghternedh 22:10

Yth esa myghtern Ysrael ha Yehoshafat myghtern Yuda a'ga esedh war aga thronys, gwiskys yn aga goenyow war leur-drushya ryb entrans porth Samaria; hag yth esa oll an brofoesi ow targana a-ragdha.

1 Myghternedh 22:12

Yth esa oll an brofoesi ow targana an keth ha leverel, ‘Ke dhe Ramoth-gilead ha tryghi; an Arloedh a's re yn leuv an myghtern.’

Salmow 115:4

Aga imajys yw arghans hag owr, ober diwleuv den.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Eksodus 29:39

Unn oen ty a offrynn myttinweyth, ha'y gila ty a wra offrynna gorthugherweyth;

Eksodus 29:41

Ha'n eyl oen ty a offrynn y'n gorthugher, hag offrynna ganso offrynn greun hag offrynn sans, avel myttinweyth, avel sawer plegadow, offrynn dre dan dhe'n Arloedh.

Eksodus 8:14

Hag i a's kuntellas yn bernyow, ha'n tir a flerya.

Ysay 16:12

Pan omdhiskwedh Moab, hag omskwitha war an tyller ughel, pan dheu dh'y sentri dhe bysi, ny amont mann.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Daniel 9:21

pan esen ow leverel ow fysadow, an gour Gabriel, neb re welsen kyns y'n welesigeth, a dheuth dhymm ow nija uskis orth prys offrynn an gorthugher.

Galatianys 4:8

Byttegyns y'n eur na pan na aswonnsowgh hwi Duw, yth ewgh kethyon dhe'n re nag yw duwow dre natur;

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

1 Samuel 18:10

An nessa dydh tebel spyrys dhiworth Duw a fyskas war Sowl, hag ev a vuskegis a-ji dh'y ji, ha Davydh ow telynnya kepar dell wre orth prysyow erell. Hag yth esa guw yn dorn Sowl;