1 Myghternedh 18:27 - An Bibel Kernewek 20234 (Kernewek Kemmyn)

²⁷ Dhe hanter-dydh Elias a's skornyas, ow leverel, ‘Kriewgh ughella, rag ev yw duw; poken yma ev owth ombrederi, poken ev re omdennas, poken yma ev ow vyajya. Martesen yma ow koska ha res yw gul dhodho difuna.’

1 Myghternedh 18:27 ပူးပေါင်းရင်းမြစ်များ

1 Myghternedh 18:26

Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:28

Ena i a grias ughella, ha dell o aga usadow, i a omdroghas gans kledhedhyow ha guwow bys pan frosas an goes warnedha.

1 Myghternedh 22:15

Pan dheuth dhe'n myghtern, an myghtern a leveris dhodho, ‘Mikaya, en ni dhe Ramoth-gilead dhe vatalyas, po a hedhyn?’ Ev a worthybis dhodho, ‘Ke yn-bann ha tryghi; an Arloedh a's re yn leuv an myghtern.’

2 Kroniklys 25:8

Rag hwath mars edh gans an re ma ha bos krev yn batel, Duw a'th tomhwel a-rag an eskar; rag Duw a'n jeves galloes po dhe weres po dhe dhomhwel.’

Salmow 121:4

Otta, gwithyas Ysrael, ny gosk ev na powes.

Salmow 39:3

toemm o ow holonn ynnov vy; ha my ow prederi, an tan a dhewis, ha my a gewsis gans ow thaves:

Salmow 44:23

Difun, prag y koskydh, A Arloedh? Sav, na skon ni bynitha.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ysay 41:23

Derivewgh an taklow yw dhe dhos a-wosa, rag may hwodhvyn hwi dhe vos duwow; gwrewgh da, po gwrewgh drog, rag may fyn digolonnek hag ownek war-barth.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ezekiel 20:39

Ha hwi, chi Ysrael, yndellma y lever an Arloedh Duw: Kewgh, servyowgh agas idolys, hwi oll. A-wosa hwi a woslow dhymm yn sur, ha ny dhisakrowgh ow hanow sans arta gans agas rohow ha gans agas idolys.

Matthew 26:45

Ena y teuth dhe'n dhyskyblon hag yn-medh ev dhedha, ‘Pesyewgh ow koska lemmyn, ha powesewgh; otta, ogas yw an eur mayth yw daskorrys Mab an den yntra diwla peghadoryon.

Mark 14:41

Hag ev a dheuth an tressa gweyth hag yn-medh ev dhedha, ‘Koskewgh lemmyn ha powesewgh; lowr yw, devedhys yw an eur: otta, yma Mab an den daskorrys yntra diwla peghadoryon.

Mark 7:9

Hag ev a leveris dhedha, ‘Yn ta y hwrewgh nagha gorhemmynn Duw, may hyllowgh gwitha agas hengov agas honan!