1 Myghternedh 18:26 - An Bibel Kernewek 20234 (Kernewek Kemmyn)

²⁶ Ytho i a gemmeras an lodhen a veu res dhedha, y bareusi, ha gelwel war hanow Baal a'n myttin bys yn hanter-dydh, ow kria, ‘A Baal, gorthyp dhyn!’ Mes nyns esa lev, ha nyns esa gorthyp. Hag i a lammas a-dro dhe'n alter re wrussons.

1 Myghternedh 18:26 ပူးပေါင်းရင်းမြစ်များ

1 Myghternedh 18:24

Ena gelwewgh war hanow agas duw ha my a elow war hanow an Arloedh; an duw neb a worthyp dre dan, ev yw Duw.’ Oll an bobel a worthybis, ‘Kewsys yn ta yw!’

1 Myghternedh 18:25

Ena Elias a leveris dhe brofoesi Baal, ‘Dewisewgh dh'agas honan onan a'n lodhnow ha'y bareusi yn kynsa, rag hwi yw niverus; ena gelwewgh war hanow aga duw, mes na enowewgh tan.’

1 Myghternedh 18:27

Dhe hanter-dydh Elias a's skornyas, ow leverel, ‘Kriewgh ughella, rag ev yw duw; poken yma ev owth ombrederi, poken ev re omdennas, poken yma ev ow vyajya. Martesen yma ow koska ha res yw gul dhodho difuna.’

Eksodus 8:14

Hag i a's kuntellas yn bernyow, ha'n tir a flerya.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Ysay 44:17

A'n remenant arall ev a wra duw, y imaj, ha koedha dhe'n dor a-ragdho ha'y wordhya; ev a bys dhodho hag a lever, ‘Delirv vy, rag ty yw ow duw.’

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 46:7

I a'n drehav war aga diwskoedh, i a'n gorr yn y le, hag ev a sev ena; ny yll ev gwaya dhiworth y dyller. Mar kri nebonan dhodho, ny worthyp, na ny wra y sawya a alar.

Yeremia 10:5

Yth yns avel boekka yn gwel kukumbrow, ha ny yllons kewsel: res yw dhedha bos degys rag ny yllons kerdhes. Na vedhewgh ownek dhedha; rag ny yllons gul drog, na nyns eus ynna dhe wul da.

Daniel 5:23

mes ty a omughelhas erbynn Arloedh an nevow. Lestri y ji re beu dres a-ragos, ha ty ha'th arlydhi, dha wragedh, ha'th iswragedh re evas gwin dhiworta; ha ty re wormolas an duwow a arghans hag owr, brons, horn, prenn ha men, neb na welons na klewes na godhvos; mes an Duw mayth usi dha anall yn y dhorn, hag oll dha hynsyow, ny wrussys y enora.

Yona 1:5

Ha'n marners a's teva own, ha kria, peub war y dhuw y honan, ha tewlel mes an karg esa y'n gorhel bys y'n mor, may fo skaffa. Mes Yona galsa yn-nans bys y'n barth a-ji dhe'n lester, hag yth esa ow krowedha, down yn kosk.

Habakkuk 2:18

Py les eus dhe imaj gravys pan y'n gravyas y furvyer – imaj teudh ha dyskador gowyow? An furvyer a drest y wrians y honan, ow kul idolys avlavar!

Habakkuk 2:19

Go-ev neb a lever dhe brenn, ‘Difun’, dhe ven avlavar, ‘Yn-sol!’ Dyskador ywa? Otta, gorlownys yw gans owr hag arghans, mes nyns eus spyrys vyth a-berth ynno.

Sefania 1:9

Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.

Matthew 6:7

‘Ha hwi pan byssowgh, na glappyewgh gans geryow euver avel an baganys, rag i a dyb i dhe vos klewys der aga geryow pals.

1 Korinthianys 12:2

Dell wodhowgh, pan ewgh hwi paganys, dynys vewgh, ledys yn stray dhe idolys avlavar, yn py fordh pynag y fewgh ledys.

1 Korinthianys 8:4

Rakhenna, a-dro dhe dhybri offrynnow dhe idolys, ni a woer ‘idol y'n bys ma dhe vos travyth’, ha ‘nag eus Duw vyth saw onan.’

1 Samuel 5:3

Ha pan sevis tus Ashdod ternos a-varr, yth esa Dagon koedhys war y fas dhe'n dor a-dherag argh an Arloedh. Ytho i a gemmeras Dagon ha'y settya yn y le arta.