1 Myghternedh 18:21 - An Bibel Kernewek 20234 (Kernewek Kemmyn)

²¹ Ena Elias a dheuth ogas dhe oll an bobel, ha leverel, ‘Pes termyn a vynnowgh kloppya yntra dew dybyans? Mars yw an Arloedh Duw, holyewgh ev; mes mars yw Baal, ena holyewgh ev.’ Mes ny worthybis an bobel ger dhodho.

1 Myghternedh 18:21 ပူးပေါင်းရင်းမြစ်များ

Jenesis 24:50

Ena Laban ha Bethuel a worthybis, ow leverel, ‘Devedhys yw hemma a'n Arloedh. Ny yllyn leverel travyth dhiso, na drog na da.

Jenesis 44:16

Yn-medh Yuda, ‘Pandr'a leveryn dhe'm arloedh? Pandr'a yllyn kewsel? Fatell yllyn ombrevi ankablus? Duw re dhiskudhas kammweyth dha wesyon. Ottani, kethyon dhe'm arloedh, ni hag ev ynwedh may feu an hanaf kevys yn y dhorn.’

1 Myghternedh 18:20

Ytho Ahab a dhannvonas dhe oll an Ysraelysi, ha kuntell an brofoesi dhe venydh Karmel.

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

2 Myghternedh 17:41

Ytho an kenedhlow ma a wordhya an Arloedh mes i a besyas gordhya aga imajys gravys; bys y'n jydh hedhyw aga fleghes, ha fleghes aga fleghes a bes gul an pyth a wrug aga thasow.

1 Kroniklys 17:26

Ha lemmyn, A Arloedh ty yw Duw, ha ty re ambosas an dra da ma dhe'th was.

2 Kroniklys 33:13

Ev a bysis dhodho, ha Duw a gemmeras y bysadow hag a glewas y bledyans, hag a'n dros arta dhe Yerusalem ha'y dhaskorra dh'y ruvaneth. Ena Manasse a wodhya bos an Arloedh an gwir Dhuw.

Salmow 100:3

Godhvydhewgh an Arloedh dhe vos Duw; ev yw neb re'gan formyas, hag ev a'gan pew; yth on ni y bobel, ha deves y beurva.

Salmow 119:113

My a gas an re yw dewblek aga brys, mes dha lagha a garav.

Hosea 10:2

Aga holonn yw fals; lemmyn i a berth an kessydhyans a'ga offens. Ev a wra dralya aga alteryow, ha distrui aga feulveyn.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Matthew 22:12

hag yn-medh ev dhodho, “Koweth, fatell dheuthys omma heb gwisk demmedhyans?” Ha tewel a wrug an den.

Matthew 22:34

Ha'n Fariseow wosa klewes ev dhe wul dhe'n Sadukeow tewel, a omguntellas war-barth,

Matthew 22:36

‘Mester, pandra yw an brassa gorhemmynn y'n lagha?’

Matthew 6:24

‘Ny yll denvyth servya dew vester; rag poken ev a gas an eyl ha kara y gila, po lel yw dhe'n eyl hag ev a dhispres y gila. Ny yllowgh servya ha Duw ha mammon.

Luk 6:13

Ha devedhys an jydh, ev a elwis y dhyskyblon dhodho, ha dewis dewdhek dhiworta, hag ynwedh ev a's henwis abesteli,

Romanyon 3:19

Lemmyn ni a woer, pypynag a lavarro an lagha kewsys yw dhe'n re usi yn-dann an lagha, rag may fo pub ganow deges, ha rag may fo an bys oll yn-dann vreus Duw.

Dewteronomi 4:35

Y feu diskwedhys dhis, rag may aswonnes an Arloedh dhe vos Duw; nyns eus arall saw unnsel ev.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’