1 Myghternedh 18:10 - An Bibel Kernewek 20234 (Kernewek Kemmyn)

¹⁰ Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

1 Myghternedh 18:10 ပူးပေါင်းရင်းမြစ်များ

1 Myghternedh 1:29

Ha'n myghtern a dos, ha leverel, ‘Dell vew an Arloedh, neb re dhasprenas ow enev a bub ahwer,

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 17:5

Ytho ev eth ha gul herwydh ger an Arloedh; ev eth ha triga ryb gover Kerith, usi a'n duryen dhe'n Yordan.

1 Myghternedh 17:9

‘Ke lemmyn dhe Sarefath, usi dhe Sidon, ha triga ena; rag my re worhemmynnis dhe wedhwes ena dha sostena.’

1 Myghternedh 18:11

Mes lemmyn ty a lever, “Ke, lavar dhe'th arloedh bos Elias omma.”

1 Myghternedh 18:15

Elias a leveris, ‘Dell vew Arloedh an luyow, mayth esov ow sevel a-ragdho, my a omdhiskwedh dhodho yn sur hedhyw.’

1 Myghternedh 18:9

Hag ev a leveris, ‘Fatell beghis may teliffri dha was yn leuv Ahab, dhe'm ladha?

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

1 Myghternedh 22:14

Mes Mikaya a leveris, ‘Dell vew an Arloedh, pyth pynag a lever an Arloedh dhymm, henna y kowsav.’

Salmow 10:2

An tebelwas yn y woeth a helgh an boghosek; bedhens i kechys gans an towlow a wrussons.

Salmow 31:20

Yn goskes dha fas ty a's kudh rag towlow den; ty a's kudh yn skovva, pell dhiworth strif tavosow.

Salmow 91:1

Seul a drig yn skovva an Ughella a bowes yn-dann woskes an Ollgalloesek.

Yeremia 36:19

Ena an bennsevigyon a leveris dhe Baruk, ‘Ke hag omgeles, ty ha Yeremia, ha na as denvyth dhe wodhvos le mayth esowgh.’

Yeremia 36:26

Mes an myghtern a worhemmynnis dhe Yerahmeel mab an myghtern ha Seraya mab Azriel, ha Shelemia mab Abdeel may talghenna Baruk an skrifennyas ha Yeremia an profoes. Mes an Arloedh a's kelas.

Yowann 8:59

Ena i a gemmeras meyn dhe dewlel orto; mes Yesu a omgudhas ha gasa an tempel.

1 Samuel 23:23

Gwelewgh ha godhvydhewgh oll an kudhvaow mayth usi owth omgudha, ha dehwelewgh arta dhymm gans derivadow sur. Ena yth av genowgh; ha mars usi ev y'n vro, my a'n hwila yn-mes yn oll an kordhow a Yuda.’

1 Samuel 29:6

Ena Akish a elwis Davydh ha leverel dhodho, ‘Dell vew an Arloedh, ty re beu ewnhynsek, hag y'm golok yth hevel ewn dhymm ty dhe vones yn-mes ha dones a-ji genev y'n lu; rag ny gevis drog vyth ynnos a-dhia'n jydh may teuthys dhymm bys y'n jydh hedhyw. Byttegyns nyns osta da yn dewlagas an wahalyethow.