1 Myghternedh 17:20 - An Bibel Kernewek 20234 (Kernewek Kemmyn)

²⁰ Ev a grias war an Arloedh, ‘A Arloedh ow Duw, a dhresys terroes hwath war an wedhwes esov trigys gensi dre ladha hy mab?’

1 Myghternedh 17:20 ပူးပေါင်းရင်းမြစ်များ

Jenesis 38:10

Mes drog yn golok an Arloedh o an pyth a wrug, hag ev a'n ladhas ynwedh.

Jenesis 38:7

Hag Er, kynsa-genys Yuda, a veu drog yn golok an Arloedh, ha'n Arloedh a'n ladhas.

1 Myghternedh 17:19

Mes ev a leveris dhedhi, ‘Ro dhymm dha vab.’ Ev a'n kemmeras a'y askra, ha'y dhoen dhe'n soler mayth esa trigys ha'y worra war y weli y honan.

1 Myghternedh 17:21

Ena ev a omystynnas teyrgweyth war an flogh, ha kria war an Arloedh, ‘A Arloedh ow Duw, gas bewnans an flogh ma dhe dhos ynno arta.’

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Myghternedh 19:4

Martesen an Arloedh dha Dhuw a glew oll geryow an Rabshake, a wrug y vester, myghtern Assyria dannvon dhe wul ges a'n Duw bew, hag ev a geredh drefenn an geryow re glewas an Arloedh dha Dhuw. Rakhenna drehav pysadow rag an remenant yw gesys.’

2 Myghternedh 20:11

An profoes Ysay a grias dhe'n Arloedh; hag ev a dhros an skeus war-dhelergh an deg kamm, war an grisyow re dhiyskynnsa an howl yn-nans, war risyow Ahaz.

2 Myghternedh 4:33

Ev eth a-ji ha degea an daras orta aga dew ha pysi an Arloedh.

Salmow 99:6

Moyses hag Aron yn mysk y oferysi, ha Samuel yn mysk an re a elow war y hanow. I a elwis war an Arloedh hag ev a worthybis dhedha.

Eksodus 17:4

Ytho Moyses a grias war an Arloedh, ‘Pandr'a wrav gans an bobel ma? Ogas parys yns dhe'm labydha.’

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Matthew 17:21

Mes an eghenn ma nyns yw tewlys yn-mes saw dre bysadow ha penys.’

Matthew 21:22

ha pypynag oll a wovynnowgh yn pysadow gans fydh, hwi a'n kyv.’