1 Myghternedh 17:15 - An Bibel Kernewek 20234 (Kernewek Kemmyn)

¹⁵ Hi eth ha gul herwydh geryow Elias, ha hi, hag ev, ha'y mayni a dhybris lies dydh.

1 Myghternedh 17:15 ပူးပေါင်းရင်းမြစ်များ

Jenesis 12:4

Ytho, Abram eth dell wrussa an Arloedh leverel dhodho, ha Lot eth ganso. Abram o pymthek bloedh ha tri-ugens pan eth yn-mes a Haran.

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

Jenesis 6:22

Ytho Noy a wrug war-lergh pup-tra a erghis Duw dhodho; yndella y hwrug ev.

1 Myghternedh 17:14

Rag yndellma y lever an Arloedh, Duw Ysrael: Ny vydh gwag an seth a vleus ha ny fyll an podik a oyl bys y'n jydh may tannvon an Arloedh glaw war an nor.’

1 Myghternedh 17:16

Ny veu gwakhes an seth a vleus, na ny fyllis an podik a oyl, herwydh ger an Arloedh a gewsis der Elias.

2 Myghternedh 4:5

Ytho hi eth a-dhiworto ha degea an daras war hy lergh ha war-lergh hy mebyon. I a dhros an lestri dhedhi ha hi a dhinewis.

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Matthew 15:28

Ena Yesu a worthybis, ow leverel dhedha, ‘A venyn, meur yw dha fydh; bedhes dhis kepar dell vynnydh.’ Ha'y myrgh a veu yaghhes a'n keth eur na.

Mark 12:43

Hag ev a elwis dhodho y dhyskyblon ha leverel dhedha, ‘Yn hwir y lavarav dhywgh, y hwrug an wedhwes voghosek ma tewlel moy ages oll an re erell esa ow tewlel y'n arghow.

Yowann 11:40

Yn-medh Yesu dhedhi, ‘A ny leveris dhis, mar krysses, ty a welsa golewder Duw?’

Ebrowyon 11:17

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys,