1 Myghternedh 17:13 - An Bibel Kernewek 20234 (Kernewek Kemmyn)

¹³ Elias a leveris dhedhi, ‘Na borth own; ke ha gwra dell leversys; mes gwra dhymm kynsa tesenn vyghan ha'y dri dhymm, hag a-wosa gwra neppyth ragos ha rag dha vab.

1 Myghternedh 17:13 ပူးပေါင်းရင်းမြစ်များ

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 17:14

Rag yndellma y lever an Arloedh, Duw Ysrael: Ny vydh gwag an seth a vleus ha ny fyll an podik a oyl bys y'n jydh may tannvon an Arloedh glaw war an nor.’

2 Myghternedh 6:16

Ev a worthybis, ‘Na borth own, rag an re usi genen yw moy ages an re usi gansa.’

2 Kroniklys 20:17

Nyns yw an vatel ragowgh hwi dhe omladh; kemmerewgh agas le, sevewgh fyrv ha gwelewgh trygh an Arloedh a'gas govis, A Yuda ha Yerusalem.” Na vedhewgh ownek na digolonnek; a-vorow kewgh dh'aga dyerbynna, ha'n Arloedh a vydh genowgh.’

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Lavarow Koth 3:9

Enor an Arloedh gans oll dha substans, ha gans kynsa froeth a'th trevas;

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:13

Rag my, an Arloedh, yw dha Dhuw a syns dha dhorn dhyghow; neb a lever dhis, ‘Na borth own, my a'th weres.’

Malaki 3:10

Drewgh an dega dien a-ji dhe'n withva, may fo boes y'm chi. Prevewgh vy yn hemma, yn-medh Arloedh an luyow. A ny igorav an fenestri a nev ha diveri bennath ragowgh yw moy ages lowr?

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Matthew 28:5

Mes an el a worthybis, ha leverel dhe'n benynes, ‘Na berthewgh own, rag my a woer hwi dhe hwilas Yesu neb a veu krowsys.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

Oberow 27:24

ow leverel, “Na borth own, Powl, res yw dhis sevel a-rag Sesar, hag otta, Duw re ros dhis oll an re ma usi ow koelya genes.”

Ebrowyon 11:17

Dre fydh Abraham, pan veu prevys, a offrynnas Ysak hag ev neb re dhegemmersa an ambosow o parys dhe offrynna y unn vab dineythys,

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,