1 Myghternedh 17:11 - An Bibel Kernewek 20234 (Kernewek Kemmyn)

¹¹ Dell esa hi ow mos dh'y gyrghes, ev a elwis dhedhi ha leverel, ‘Doro dhymm temmik bara y'th leuv.’

1 Myghternedh 17:11 ပူးပေါင်းရင်းမြစ်များ

Jenesis 18:5

Ha my a wra kyrghes tamm bara, may konfortyowgh hwi agas kolonn. Wosa henna hwi a yll tremena yn-rag, a-ban re dheuthewgh dh'agas gwas.’ Hag yn-medhons i, ‘Gwra yndella, kepar dell leversys.’

1 Myghternedh 17:10

Ytho ev eth yn-kerdh ha mos dhe Sarefath. Pan dheuth dhe borth an dre, yth esa gwedhwes ena ow keunyssa. Ev a elwis dhedhi ha leverel, ‘Doro dhymm banna dowr mayth yffiv.’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 17:9

‘Ke lemmyn dhe Sarefath, usi dhe Sidon, ha triga ena; rag my re worhemmynnis dhe wedhwes ena dha sostena.’

1 Myghternedh 18:4

pan esa Yezebel ow ladha profoesi an Arloedh, Obadia a gemmersa kans profoes, aga hudha yn mogowyow, hanter kans yn pubonan, ha'ga sostena gans bara ha dowr.

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.