1 Myghternedh 17:1 - An Bibel Kernewek 20234 (Kernewek Kemmyn)

¹ Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 17:1 ပူးပေါင်းရင်းမြစ်များ

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 17:2

Ger an Arloedh a dheuth dhodho, ow leverel,

1 Myghternedh 18:1

Wosa lies dydh ger an Arloedh a dheuth dhe Elias, yn tressa blydhen an syghor, ow leverel, ‘Ke, omdhiskwedh dhe Ahab, ha my a dhannvon glaw war an nor.’

1 Myghternedh 18:10

Dell vew an Arloedh dha Dhuw, nyns eus kenedhel na gwlaskor ma na dhannvonas ow arloedh dhe'th hwilas; ha pan leverens, “Nyns, usi ev omma,” ev a wrug dhe'n genedhel po a'n wlaskor na gul ti, na'th kavsens.

1 Myghternedh 18:15

Elias a leveris, ‘Dell vew Arloedh an luyow, mayth esov ow sevel a-ragdho, my a omdhiskwedh dhodho yn sur hedhyw.’

1 Myghternedh 22:14

Mes Mikaya a leveris, ‘Dell vew an Arloedh, pyth pynag a lever an Arloedh dhymm, henna y kowsav.’

1 Myghternedh 8:35

‘Pan vydh nev deges ha nyns eus glaw drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

2 Myghternedh 1:3

Mes el an Arloedh a leveris dhe Elias an Tishbeyas, ‘Sav, yskynn dhe vetya orth kannasow myghtern Samaria ha govynn orta, “Yw drefenn nag eus Duw yn Ysrael mayth ewgh dhe wovynn orth Baal-zebub, duw Ekron?”

2 Myghternedh 3:14

Elisha a leveris, ‘Dell vew Arloedh an luyow, may savav a-ragdho, mar ny ve my dhe wul vri a lok Yehoshafat myghtern Yuda, ny virsen orthis na dha weles.

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 5:16

Mes ev a leveris, ‘Dell vew an Arloedh, a savav a-ragdho, ny dhegemmerav travyth.’ Ev a ynnias warnodho y gemmeres, mes ev a's naghas.

2 Myghternedh 5:20

Gehazi, gwas Elisha, gour Duw, a leveris dh'y honan, ‘Ow mester re sparyas Naaman an Aramyas ma, drefenn na dhegemmeras dhiworth y dhiwla an pyth a brofyas ev. Dell vew an Arloedh, my a wra poenya war y lergh ha kemmeres neppyth a-dhiworto.’

2 Kroniklys 21:12

Lyther a dheuth dhodho dhiworth an profoes Elias ow leverel, ‘Yndellma y lever an Arloedh, Duw dha das Davydh: Drefenn na gerdhsys yn fordhow dha das Yehoshafat nag yn fordhow Asa myghtern Yuda,

2 Kroniklys 6:26

‘Pan vydh nev deges ha nyns eus glaw, drefenn i dhe begha er dha bynn, hag ena i a bys war-tu ha'n tyller ma, gormel dha hanow, ha treylya dhiworth aga fegh, drefenn ty dh'aga hessydhya,

Job 12:15

Mar skon ev an dowrow, i a sygh; mar kwra ev aga dyllo, i a fenn an tir.

Ysay 49:18

Drehav dha dhewlagas a-derdro ha gwel; i oll a omguntell, i a dheu dhis. Dell vewav, yn-medh an Arloedh, ty a wra aga gwiska oll avel tegenn, hag avel benyn bries ty a's kelm warnas.

Ysay 5:6

My a's gwra difeyth; ny vydh skethrys, na ny vydh kravellys, mes spedhas ha spern a dyv ena. My a wra gorhemmynn dhe'n kommol ma na rollons glaw warnedhi.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Yeremia 15:19

Rakhenna yndellma y lever an Arloedh: Mar tehwelydh, ena my a'th taskemmer, ha ty a sev arta a-ragov: ha mar leverydh an pyth yw drudh a-der an pyth yw divri, ty a vydh avel leveryas ragov: gas i dhe dhehweles dhiso jy, mes ty na dhehwel dhedha i.

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Haggay 1:10

Rakhenna an nev a-ughowgh a skon an gluth, ha'n dor y drevas.

Matthew 11:14

ha mar mynnowgh degemmeres hemma, ev yw Elias neb a dal dos.

Matthew 16:14

Yn-medhons, ‘Re anedha, Yowann Besydhyer, re erell Elias, hag erell Yeremia, po onan a'n brofoesi.’

Matthew 27:47

Re an dus a sevi ena, pan y'n klewsons a leveris, ‘Yma an den ma ow karma war Elias.’

Matthew 27:49

Mes an re erell a leveris, ‘Gesewgh ni dhe weles mar teu Elias rag y sawya.’

Matthew 7:29

rag yth esa ev orth aga dyski kepar hag onan a'n jevo galloes ha na kammenn vyth avel aga skribys.

Luk 1:17

Ha mos a wra ev a-dheragdho y'n spyrys ha'n nerth a Elias dhe dreylya kolonnow tasow dhe fleghes, ha tus dhiwostydh dhe furneth tus ewnhynsek, dhe dharbari dhe'n Arloedh pobel bareusys.’

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Luk 9:30

Hag otta, dew wour a gewsi ganso; yth ens i Moyses hag Elias,

Luk 9:33

Ha pan esens ow tiberth dhiworto Peder a leveris dhe Yesu, ‘Mester, da yw ni dhe vos omma; gwren drehevel teyr skovva, onan ragos jy hag onan rag Moyses hag onan rag Elias’, heb godhvos pandra esa ow leverel.

Luk 9:54

Ha pan y'n gwelas y dhyskyblon Jamys ha Yowann, yn-medhons, ‘Arloedh, a vynnydh ni dhe erghi may teffo tan yn-nans dhiworth an nevow ha'ga distrui?’

Yowann 1:21

Hag i a wovynnas orto, ‘Piw ytho? Osta Elias?’ Yn-medh ev, ‘Nag ov vy.’ ‘Osta an profoes?’ Hag ev a worthybis, ‘Nag ov.’

Yowann 1:25

Hag i a wovynnas orto ha leverel dhodho, ‘Prag ytho y pesydhydh mar nyns osta an Krist, nag Elias, na'n profoes?’

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Romanyon 11:2

Ny dewlis Duw y bobel dhe-ves neb a ragaswonnis ev. Po a ny wodhowgh hwi pandr'a lever an skryptor a-dro dhe Elias, fatell bys ev Duw erbynn Ysrael?

Dewteronomi 10:8

Y'n termyn na an Arloedh a dhibarthas loeth Levi dhe dhegi argh kevambos an Arloedh, dhe sevel a-rag an Arloedh dh'y servya ha dhe venniga yn y hanow bys y'n jydh hedhyw.

Jamys 5:17

Elias o den kehaval y gnas dhyn ni hag ev a bysis yn pysadow na wrella glaw, ha glaw ny wrug war an dor teyr blydhen ha hwegh mis.

Diskwedhyans 11:6

Gans an re ma, yma galloes dhe dhegea an ebron, ma na goettho glaw yn dydhyow aga frofoesans, hag yma gansa galloes war dhowrow dh'aga threylya dhe woes, ha gweskel an dor gans pub pla mar venowgh dell vynnons.

Breusysi 12:4

Ena Yefthagh a guntellas oll gwer Gilead hag a vatalyas orth Efraym; ha gwer Gilead a fethas Efraym, drefenn i dhe leverel, ‘Hwi yw fowesigyon a Efraym: Gilead yn kres Efraym, yn kres Manasse.’